ماكذب فالصداقه كل من سبها

[المستحيل الممكن "]

الله أكبر يادنيا والزمن بك يدور
والملا في جمالك زايد ٍ حبها

إلتها بك فقير ونازع أهل الدثور
والغني ظم يدك طالب(ن) قربها

شافت العين شي ٍ زاد هم الصدور
والرياح العتية شفت وش عقبها

والصداقة تعدت حدّها ياغيور
والنفوس العزيزة أنت وش لك بها

وكل دمعٍ تهلّه ياَسود الراس زور
خلني والليالي خابرن دربها

خلني والهموم المستجدّه تثور
وذكرياتٍ نجوم الليل تسهر بها

كنت أحسب المحبه يانديمي شعور
وكنت أظن الصداقه غايرٍ جُبَّها

وكنت أظن المصالح مالها أي دور
للأسف خاب ظني عقب ماشبها

شب نار الحقيقة وابتدا بالظهور
والعلوم القديمة فالبحر كبها

شال غصن الأراك وبان شوك الدبور
وسال فيه الهماج وجف به عَذْبها

كان صدره قفص لهمومي اللي تجور
واليوم كل ٍ على لسانه يتمتم بها

الصداقه عرين به أسود ونمور
والثعالب على ماقال تغدر بها

والصداقه تجارب والتجارب دهور
والفطين يتفهم محتوى لُبَّها

إيه عشنا يادنيا والليالي تدور
والحظيظ الموفق تاركن حبها

والصديق بزمنا غير باق العصور
ماكذب فالصداقه كل من سبها

صدق الشاعر
منقووووووووووووووووووووووووله