شارك معنا بطفولتك الغبية ..

[دنيا الأمل]

.. صراحة .. لما شفت موقف قريبت توته تشجعت وقلت اكتب موقف من مواقفي الإجراميه ..
.. الموقف وبكل بساطه يشترك فيه اربعة ( انا .. واخي .. وابن خالي واخته ) ..
.. في يوم من الأيام الجميلة اتفقنا اننا نغير اسلوب اللعب شوي ( ملينا .. ركض وصراخ ...... إلخ ) قررنا انا نلعب لعبة طبيب الأسنان ووزعنا الأدوار ( ابن خالي الدكتور واخي مساعدة ) .. ( بنت خالي المريضة وانا المرافق ) .. وكنا اصغر منهم ما نقدر نعترض .. المهم .. ذهبنا للدكتور وكشف عليها وقرر له علاج سريع ( الخلع ) وطلب من مساعده أدوات الخلع ( اخينا طار لشنطه العده الخاص بالوالد .. رحمه الله .. وجاب ( بمنطقتنا نسمايها زراديه ) اعتقد عرفتوها .. طلب الدكتور اللطيف من المريضه فتح فمها ( والغبيه بكل بساطه فتحته بدون خوف هههههههههه ) ثبت اداة الخلع على السن الأمامي وطلب من المساعد مساعدته ( قمة الاجرام صراحة ) .. تحمست للموضوع ومسكت ادينها بقوه .. وخلال دقائق معدوده كانت المسكينه تعاني وتصارخ ( لكن لا حياة لمن تنادي ) وبعد معاناة ................ خلعنا لها السن وتمت العملية بحمد الله .. تمت المسكينة تصارخ وهي تشوف الدم وطيران لعند أمها ( حاولنا نهديها وأخوها الغبي يقول ارجعه لك خلاص لا تقولين ههههههههههه ) لكن الوشايه راحت وقالت لهم .. خفنا صراحة وين نروح وطيران لسطح البيت وتمينا فيه حوالي ساعه .. وخالي والوالد .. رحمه الله .. قالبين الدنيا .. ملينا من الانتظار فقلت لهم .. شباب ايش رايكم نظهر لان خالي لو بعد سنه راح يأخذ حق دلوعته منا .. فقررنا بعد صراع الظهور وكان القرار هاذا من أغباء القرارات في حياتي .. ( ما يحتاج اذكر التفاصيل أعتقد تعرفون أيش اللي صار )
.. والآن وبعد كل هالسنين.. كل ما تذكرنا الموقف ما نقدر نتكلم من الضحك ..
.. أيام ياليت ترجع ..