طلب عاجل ومهم أرجو الرد .. بشأن درجات الاختبارات

[HighQuality]

السلام عليكم جميعاً أعضاء منتدى حاسبكو الرائعين .. والأستاذ سلطان المبدع

بدايةً قولوا لي كيف اختبرتوا .... الطالبات / الطلاب ... الاختبار الدوري للشهر الأول
هل اختبرتوهم من 15 نظري كله ... وإلا من 7 نظري .. 8 عملي ؟

أنا عن نفسي اختبرتهم الشهر الأول من 15 كله نظري لأن مافيه عملي أخذوه الطالبات ، وأيضاً بناءاً على طريقة أغلب المعلمين والمعلمات في أغلب المنتديات .

بس ....

اليوم انحطيت في موقف لاأحسد عليه ... كلمت مشرفتي وقالت لي لا ...
لازم كل اختبار تسوينه يكون مكون من جزئين ( نظري / عملي )
طيب هالحين وش الحل ؟؟؟ ووش السواة ؟؟؟

قالت لي : حولي درجتهم من 15 إلى 7 .... وسوي لهم اختبار ثاني عملي من 8 .

طيب ماشي ... أقتنعت .. بس المشكلة أنا لهالحين مابديت عملي زين زين ... والشئ الثاني


كيف أحول الدرجة من 15 إلى 7 ؟

و لو حولتها الطالبات اللي ماحلوا وجابوا درجات سيئة ومرعبة بتصير درجاتهم مرعبة وسيئة أكثر ؟

أتمنى اللي يعرف يجاوبني مايطنشني ... الله يسعد ويسهل أمر أي أحد فيكم يرد و يمتعه بالجنة ونعيمها

[متميزه]

اعيدي توزيع الدرجات لاختبارك السابق اذا ماقدرت تتفهم المشرفه التوزيع للمنهج وممكن ترفعينه لها

وادخلي بالجزء العملي

بالنسبه لاول مو ضروري تنظرين تخلصين الباب الثالث باكتاب النظري ادخلي بالجزء العملي ولا تنسين انهم أول وجديد عليهم وبعد درسين عملي اختبريهم فيه


اما ثاني ممكن تختبريهم بمعلومات النظام وحمايه النظام والبيانات اكيد وصلتو له ؟؟


وثالث حلو ياخذون درس وواجهة الفجول وادواته يرفهه عنهم شوي بين دروسهم النظريه.. بعد الباب الثاني مثلا واختبريهم فيه

لابد من محاوله الشد والرخي بالمنهج لارضاء كافه الاطراف >> اتمنى اكون وصلت لما تريدين


انا امشي على كذا بس ماعندي موجهه >> مادري صح او غلط .. وحده هونت

[HighQuality]

متميزة

الله يمتعك بالجنة ونعيمها عشانك رديتي وماطنشتي

ترى المقصود بالاختبار ثالث
بس ياليت تعلميني كيف أدخل الدروس العملية وسط دروسي النظرية القادمة
وريني توزيع منهجك إذا ماعليك أمر .. << -- وحدة ماتنعطى وجه

تراني خلصت درس مراحل كتابة البرنامج بالفيجول وكنت ناوية أعطيهم تدريب 3-1 معه
بس مامداني

وتراك ماقلتي لي ... كيف أحول الاختبار من 15 إلى 7
إني أعيد توزيع الدرجات مستحيل لأني صححت كل الفصول
يعني تقريباً بأعيد 200 ورقة صعبة .. والله صعبة .. مافيه وقت

أعضاء المنتدى الشاطرين بالتحويلات الرياضية وينهم ..
أنا اللي أعرفه إن المعلمين شاطرين بهالشغلات أكثر من المعلمات
يالمعلمين أرجوكم ساعدوني ... وينكم عني واللي يعافيكم

[متميزه]

بالنسبه لتوزيع مستخدمه توزيع الاستاذ سلطان

بس مع الشرح حسيت البنات تعبو

وحبيت اغير ويشوفو شكل الشاشه >> يعني طنشت التوزيع

ومن الاجل الجماس سويت عرض لبرنامج حساب مساحة مستطيل (مصمم من قبلي)مع درس الادوات وتصميم الواجهات وشغلته لهم حبوه وفهمو الميكانيكيه يعني صارو يعرفو ايش حيصير لما يكتبو البرنامج


اول كانو زملين لحفظ الاوامر وكيف واسئلتهم كثرت
بس ارتاحو لما دخلو المعمل وكتبت اسم الاداة امامهم وشافو القائمه التي تظهر





آسفه ماتخيلت هذا العدد الله يعينك ..

ابتليقف بس اقتراح >>انصحك لاتقرينه

استخدمي برنامج الأكسل

اقسمي على 2 تصير الدرجه 7.5

اخصمي النصف (0.5) من كل طالبه وخليه بالمشاركه مثلا ويكون الاختبار 7

ارسلي ملف درجاتك اساعدك بالتحويل >> والله رحمتك 200 طالبه

[HighQuality]

متميزة

مشكورة ياقلبي من كل قلبي على العرض المغري و على احساسك فيني ووالله هذا يكفيني

حبيبتي كلك ذوق من جد انت انسانة راقية

أنا ياقلبي بضرب درجة الطالبة في 7 واقسمها على 15

قالوا لي كذا تطلع الدرجة من 7

وجربتها ضبطت ... مشكورة مشكورة مشكورة حبيبتي

من جد ماقصرتي