الزمن الضحوك

[فهد الشراري]

ضَحَك وقتي .. ومن ضْحكَه عرفت أنْ الزمن ضحْاّك
إليا مْنّه ضحكْ مرّه .. لزوم أنّه يثنيّها


سلوم الوقت يا خلي ليامن ضحكّك بكّاك
سلوم آخر زمن مابه ولا حيٍ يدانيها



ضحك لي يوم شاف أنّي تولعّت بهوى شرواك
وكنّه يوم يطلق ضحْكته عيني يهنيّها



ويهنيهّا على ماذا ؟على هجرانك او لاماك ؟
ولو نفرض يهنيّها .. ترى قصده يعنيّها



يعنيهّا بصْداتك وأنا اللّي عايش بْرجواك
يا كيف تعّني عيوني .. وتتجاهل تفانيها



على لسانك .. وبيدينك تعّذب قلب من يهواك
يا حيثه صار مرهون العيون ورهن امانيها



حبيبي لا تهقوى بي توُثّمْ .. والسبب هقواك
قْصوُر الظن .. ما تعمرْ ولو قامت مبانيها



بيوت الحب ما تكْتب ولا تذْكر .. ترى لولاك
حرام تْردّد ابياتي ولا تفهم معانيها



وأنا أدري يا نظر عيني عسا اللّي غيروك فداك
لصَار الصدق فـْ أولها .. يجي الفراق ثانيها

[دنيا الأمل]

قصيده رائعه ومعبره استاذ فهد

[دفء المشاعر]

الله يعطيك العافيه

قصيده جميله

[همسات]

وأنا أدري يا نظر عيني عسا اللّي غيروك فداك
لصَار الصدق فـْ أولها .. يجي الفراق ثانيها

استاذ فـ ٍِ ــهد كل الشكر لمــ ٍِِ ـا تحـ ٍِ ــويه روعـ ٍِ ـة كلمـِ ـآآتك

[متميزه]

سلوم الوقت يا خلي ليامن ضحكّك بكّاك

سلوم آخر زمن مابه ولا حيٍ يدانيها


صح لسان راعيها
قصيده جميله بارك الله فيك