وش يكون الليل لاغاب القمر ؟

[المستحيل الممكن "]

هاك ياقلبي النبض ترجم قهر
والله انه حان وقتك يالحزين
الدروب طوال والسكه سفر
والمسافه درب والخطوه أنين
يالحزين اليوم عندي لك خبر
راحو الحبايب انا مثلك حزين
جود يوم اليوم قلبي إنكسر
"دوك حالي" إكتب ولاتستهين
إرسم المعنى على جال السطر
وإخنق العبره على رمشٍ وعين
مابقى يا دوب دمعي والسهر
والسهر لي شين والخفاق شين
مابقى إلا بس مجداف وبحر
والمواني تشتكي مرسى الأنين
مابقى لي كود همي والكدر
وحسرةٍ تَنبش جِسد سِعدن دفين
والمسافه درب والخطوه قهر
وفي دروبي عيّت البسمه تبين
دون درب الامل حظي إنعثر
وإندفن معثور بختٍ مايزين
إختم إختم ياقلم هرج القهر
لي متى نشكي ونبكي يالحزين
والله إني خابرك وأدري بحر
لكن اعذرني ترى دمعي رهين
وش يكون الليل لاغاب القمر ؟
وش يكون الشوق لاراح الحنين ؟
وش يكون الكون من دون البشر ؟
وش يكون العهد من دون اليمين ؟
إجبر الخاطر على طول الصبر !
والخواطر تنجبر في كلمتين !
هذا حظي ياحبيبي والقدر
وياقلم هذي تصاريف السنين
وردةٍ ماتت ضما قبل المطر
راحت غيومٍ سقتها من سنين
منقوووووووووووووووووله