يقولون الزمان اغبر وانا اقول الزمان بخير*ما دام اللي سكن في ناظرك ما طاح من عينك

[المستحيل الممكن "]

قصيد عجبتني مررررره


معك طعم المسا غير ومعك حتى السوالف غير
معك يا حلو تقليب المواجع بين كفينك

تبختر بين دقات الخفوق ونشوة التفكير
ترى كل الحياة اصغر من اللي بيني وبينك

احس انك تجي والعشب ينبت والطيور تطير
واحس ان السحاب يلوح يراقه على يدينك

احس بروعه الدنيا واحس ان الزمان بخير
واحسك للحياة اعذب ندا مانتب مثل عينك

اشوف الصبح لاشال الشفق هز الظلام عصير
واشوف الورد يضحك ما بقا الا ينشدك وينك

واشوف الريح تقبل مستخفه دمها وتغير
تنثر لك شعرك وتنثر سله رياحينك

ورا ما ترقص القمرا بقلب خانه التعبير
مثل ما ترقص الالوان في مسرح فساتينك

دخيل انشودة العشق وذنوب ترفض التكفير
دخيل اخر ربيع مرني في حضن عشرينك

انا اللي نزلك من برجك العاجي وجاك يسير
يمد لك اليمين ولا درى عن لهفة يمينك

شعرت بطعم سكينك من اول مابدا التقدير
تمثنيت العروق وقبل اكبر جرح سكينك

لقيتك قبل ما ابحث عنك في الابراج والتبصير
قريتك قبل اموت بلذة قرايه فناجينك

ابي للناس اسولف بك واقول اللي يصير يصير
واحسك سالفه لو سولفوها شوهوا زينك

حشا لو تطري الفرقا مااعدك راعي التقصير
عزاي اني ملكت بوقتها عرش اجمل سنينك

يقولون الزمان اغبر وانا اقول الزمان بخير
ما دام اللي سكن في ناظرك ما طاح من عينك

منقووووووووووووله