صــــــــــــــــــــدفه.

[فهد الشراري]

صدفه اجمعتنا وكل ناظر الثاني..................وارتاحت اقلوب من هالبعد محتره
وهلحين مدري من المجني من الجاني ............ راحت وخلت بقلبي تشتعل جمره

ودي اسلم عليها بس ماامداني ................ حياي والله منعني لا ارتكب عثره
قامت تبسم بثغر فيه رماني ..................... وخدودها من حياها تكتسي حمره

كنها تقول العذر يافلان لفلاني ....................... ودي اضمك ولكن مابيدي قدره
ناظرتها والحكي حاير على لساني ................والناس حولي ولكن كنت في سكره

ماشوف الا حلاها نصفي الثاني ..................... وكل اهتمامي انا اكسب منها نظره
هي صدق لحظات لكن كنها ازماني..................خلت حياتي لمن لا يعتبر عبره

خليتي (ابن الهلالي ) يجر للحاني ...................... ويكتب قصايد وهو في خاطره كسره
عليك ياللي خذا عقلي وخلاني .............................. يالله مدري وش اسوي وش الدبره

ياهيه ياللي سكن روحي ووجداني ......................... ياليت يدري بقلبي وش كبر قدره
ياكل حبي ويانبضي بشرياني ................................... اكيد اني احبك بس على فكره؟؟

ان كنت قصرت فاانتي نصفي الثاني ..........................والقلب لامن تعذر فااقبلي عذره