اريد معرفة برنامج معارف

[azizah]

السلام عليكم ورحمه الله وبركاته

كيفكم اخواني واخواتي الكمبيوتريين (تسمية 2010)
انا احب الحاسب الآلي مووووووووووووت لكن عزائي انه مو تخصصي
ونقاشت اهلي في اني ادرس بكالوريس حاسب فبغوا يضحون بي السنة هذا خخخخ عشان الأغنام ارتفع اسعارها
مع العلم انه عندي بكالريوس كيمياء (سؤال على الطاير في مجال اكمل دراستي ماجستير حاسب)
على العموم مالكم في الطويلة (بعد الهذرة هذي)
بعد المقدمة الحزية لم تكن عايق في وجهي لتعلم الكثير في الحاسب فاحببت حاليا ان اتعلم برنامج معارف
ولكن مادري شنو المطلوب وشنو اخر اصدار وكيف اتعامل معه بمعنى اصح ماعندي اي معلومات عن طريقة التعامل معه
ممكن تشروحن او تجلب روابط عشان افهم فية
وإذا ممكن يكن البرنامج محول
وختام الكلام صلوا على محمد رسول الأنام وعلى اله الغُر الكرام
وسلامتكم
انتظر ردكــم

[دنيا الأمل]

وعليكم اسلام

اهلا فيك اختي

بالنسبه لنظام معارف سهل مره و علشان تدرسينه لازم تلتحقين بمعهد علشان الشهاده لكن قبل تدخلين هل فيه امكانيه تستفيدين من هالشهاده ؟؟ بمعنى هل فيه امكانيه عملك مثلا باحد المدارس على النظام هذا اولا

ثانيا حاليا المدارس تشتغل على النظام المركزي كنظام معتمد من الوزاره لادخال الدرجاات بدلا من معارف يعني اتوقع على السنه الجايه راح يقل العمل على نظام معارف ويمكن يلغى بعد

طبعا كلامي يعتمد على المنطقه الي ساكنه فيها

علشان كذا نصيحه غيري البرنامج .. ادرسي تصميم او معالج نصوص وادخال بيانات

اتمنى قدرت افيدك

[ينابيع الغلا]

هلا بك أختي

معي معارف خبرة ( خمس سنوات + سنتين نظام مركزي عالموقع لثالث ثانوي ) // ولكن للأسف لا أملك شهادة

مارست العمل في المدارس التي درّست بها ممتع جدا // بس ما يعطون إدارة التعليم شهادات

كنت آخذ دورات أثناء العمل بمكتب الإشراف // فقط أخذت شهادة على النظام المركزي

وتعبت مع التدريس وتركت المعارف العام السابق .. لموظفات جدد باسم مدخلات البيانات

ولكن أتوقع الدوره لو أخذتيها ما تفيدك إلا في حال .. طبقتي على قاعدة مدرسة متكامله

أختي خذتها ما استفادت ولا شي // ولا حتى توظفت عليها فوق كذا معها بكالوريوس

نصيحتي لك إذا تبين تدرسين وتتعلمين أكثر بمجال الحاسب

إذا عندكم جامعه فيها تخصصات حاسب // شهادة دبلوم ما بعد البكالوريوس

يمكن تنفعك أكثر يا صيانه أو برمجة

ويمكن تنفعك بالتوظيف لو ما كنتي موظفه

والسموحه للإطالة

دمتي في خير