.. والله العظيم حياتي بخطر .. انقذون وقلول لي وش الحل ؟؟؟؟؟؟؟؟؟؟

[دنيا الأمل]

.. سامحون وحللون يمكن ما ادخل مرة ثانية .. ههههههه ( صدق اذا قالوا شر البليه ما يضحك )
ترددت قبل ما اكتب المشكلة .. لكن قلت ما راح يفيدن ألا اعضاء المنتدى (حلو هالمشكلة رجاء مثل ما حليتو مشاكلي قبل )
ادري تقولون ليتها ما سجلت .. مشاكلها كثيره .. ( وش اسوي والله حالتي ترحم )
.. راح اقولكم المشكلة من البداية وانتم احكمو ..
.. مثل كل صباح جميل دخلت للمدرسة وما كان عندي حصص اليوم فاتجهت لغرفة المعلمات وجلست نتقهوا ونسولف ..
وكان الوضع تمام لحد ما دخلت علي المساعدة وجهه منقلب وماسكه مفتاح المعمل وتركض ..
صراحة خفنا قلت اكيد المعمل احترق ( جاء ببالي على طول المغسلة وتحسفت على شبابها حرام )
قالت لي بصوت عالي قومي بسرعة قبل لا تجي ( مين ما ادري ؟ )
قلت ايش المشكلة قالت ان ام طالبة جايه بالإدارة وشايله المدرسة بالصراخ وتبي تذبحن ( بالبداية اعتقدت انه مقلب ومت عليه من الضحك )
.. لكن اتضح ان الوضع صحيح وخطير مره قمنا كلنا وطلعنا مسكت ايدي وركض على المعمل وقفلت علي وانا مطيره عيوني ما ادري وش السالفة
.. قعدت افكر ما اذكر اني تهاوشت مع اي طالبة او غلطت على اي احد ( وجلست على هالحالة حوالي ساعة ونصف ما ادري وش الموضوع ؟ )
لحد ما جت المساعدة وفتحت الباب وقالت ان الوضع ماهو مطمن .. جابت الجوال وقالت قي على اهلك يجون يضفونك قبل لا ترجع ..
بعد كل هالكلام راح اقولكم المشكلة .. طلعت ام وحدة من طالبات ثالث وتقول اني اعلم بناته الفساد وقلت الأدب ( تخيلو ) ليش ؟؟؟؟؟
علشاني شرحت لهم الأتصال والانترنت .. طبعاً بمناهج البنات الدرس هذا بمنهج ثالث .. ( والدرسه هذا شرحته نظري لان ما عندي مودم بالمعمل )
.. تصدقون يوم قالت لي المساعدة هالكلام جان الصياح ؟؟ معقوله علشاني سويت الي علي وشرحت اطلع انشر الفساد؟؟؟
.. طبعاً ما في وقت للصياح دقيت على اخوي وطيران جاء مع ان المسافة بعيده شوي ..
.. جينا اللحين لقمة المغامرة بالموضوع كيف اطلع من المدرسة ؟؟ يمكن تصير عند الباب ..
..ارسلنا البواب وعمل مسح حول المدرسة وتأكد ان الوضع امان ( والله العظيم انه صدق )
وطلعت .. وطيران بالسيارة لحد ما طلعنا من القرية بكبره ( فلم صح ؟؟ )
بعدها دقت علي المساعدة وقالت لي لا تجين بكره تخاف تجي مره ثانية لأن اليوم قدروا يألفون عليه ويقولون غايبه ..
يوم قالت لي قعدت اضحك من القهر وطول الطريق وانا اضحك ( يحرموننا من الدوام علشان قلت عقولهم )
.. اكثر شيء مؤلم بالموضوع ان النظرة هذي طلعت نظرت بعض المعلمات عندي ( المعمرات الي له 15 سنة أو اكثر تدرس )
( يقولون هذا الي يجينا من الانترنت البنت ما له تدرس إلا دراسات و عربي .. اصلن البنات ليش يدرسون حاسب .. التعليم ما تراجع الا يوم جو البزارين الي همهم اللبس والكشخة ودرسو معنا .. يعني هي اللحين الي مشيه التعليم كله )
ومن هالكلام الي يقهر .. انا يوم سمعته لا تعليق لبست عباتي وطلعت ( مثل النوعية هذي كيف تتعاملون معه ؟ )
.. لا تحسبون ان الكلام هذا تخيل أو حلم والله صدق وصار لي اليوم ..
.. وانا اللحين محتارة اروح بكره او لا ؟؟
واذا جت مره ثانية ايش العمل اقابله واشرح له الوضع ؟؟
واذا ما فهمت ايش اسوي ؟؟ ( تعتقدون راح تذبحن بمسدس أو سكين هههههههههه .. )
.. كيف اتعامل مع المعلمات بعدها ( البعض منهن تفكيره مثل تفكير ام الطالبة أو اشد )
.. عارفة ان البعض راح يستسخف الموضوع ويعتقده لعب او تأليف .. لكن ما اقدراقول في هالحاله الا انهم معذورين ( فيه مدارس وضعها كذا )
.. بالنهاية حبيت اقولكم اني قضيت اجمل الأوقات مكم واستفدت كثير ( والله حرام توي بريعان الشباب ههههه).
.. من بياخة الموضوع بس اضحك
.. لا تنسون قولو لي الحلول باقرب وقت .. لاني ما اقدر اغيب كل يوم ..
.. تحياتي لكم ..

[النورس الماسي]

صح كلامك انه في ناس متخلفه للحين بس ما تلاحظي انك مبالغه شوي بالموضوع ليه الحرمه ما عندها عيال يفهموها لانه مو معقول انها منفصله عن العالم وما في احد قريب منها يفهمها السالفه وبصراحه لو باخذ كلامك على انه جد بصير مثل ام الطالبه الي عندك ما عندي مخ

[دنيا الأمل]

.. كنت معتقده انكم ما راح تقبلون الفكرة ..
.. لكن على العموم اشكرك اختي على المرور .. ولو كان عندها عيال يفهمون كان فهمته بنته الي تدرس عندنا على الأقل ..
.. المشكلة ما هو بالفهم .. المشكلة بمجتمعهم الي ما يقبل الحاسب أو اي شيء يخصه .. ( يعتقدون انه هو الفساد )

[النورس الماسي]

لا تزعلي اختي ولكن الحريم مو لهذي الدرجة من التخلف انا ما اقول انك تالفي لكن موضوعك غريب ولا تتعجبي من استغرابي

[stn555]

اختي دنيا الأمل ................الفاتحه على روحك...............أمزح ترى بعد عمر طويل ان شاء الله


انا الموقع ضحكني ولا تلومينهم لانهم منغلقين عن العالم وهناك منهم الكثير عشان كذا نحن نعتبر متخلفين بشيء كثير عن الدول المتقدمة وهذا دور الاعلام الاعلام الاعلام ووزارة التربية والتعليم لانه المفروض يكون هناك تعاون مكثف لتثقيف الناس في التقنية ودورها المهم في حياتنا طبعا اقصد القنوات الارضية حيث يكون هناك اكثر من قناة تعليمية تساعد في نشر ذلك

والله اختي دنيا الامل ان هذا فعلا شي محزن والله يكون بعونك يا رب وانتبهي وانتي تتعاملي معاهم وخاطبيهم على قدر عقولهم والبيئة التي يعيشون فيها

تحياتي لك

[فجر2007]

يا مسكينة تصدقيني اني كنت زعلانة وضحكتيني بأعلى صوت من حكايتك بس فعلا الأهالي إلى عايشيت بالقرى تفكيرهم مثل ما قلتي خاصة إذا كانت القرية جداً نائية ,,, صدق تحزنين بس أنا أقولك فعلا اختي خلك حريصة لأن بعض الأهالي متشددين وتتوقعي منهم أي ردة فعل,, بس غيابك ماهو الحل لازم تتكلم المديرة والمساعدة ولا ويش وظيفتهم بالمدرسة, وكمان واجهي الأم وبأسلوب بسيط ومقنع فهميها , أما بالنسبة للمدرسات اتركيهم عنك , إذا إنهم معلمات بالتربية والتعليم وتفكيرهم كذا أفضلك ماتنزلين مستوى تفكيرك وإبداعك لمستواهم 0000
ومشكورة على القصة الواقعية الممتعة والمضحكة والمليانة أكشن
لا تنسي توافينا بتفاصيل الأشياء الجديدة إذا صارت0

[دنيا الأمل]

.. فاهمه اختي .. وما زعلت بالعكس هذي وجهت نظر .. وما الومك اذا استغربتي ..
.. مشكور اخوي سلطان على هالكلام الحلو .. فعلاً لازم للشخص الي يتعامل معهم انه يتبع سياسة خاصة .. ان شاء يفيد وتفهم او ما تجي مرة ثانية ( يارب )..

[دنيا الأمل]

.. مشكورة اختي salehah على المرور .. الحال يضحك صح ..
.. راح اغيب بكرى وان شاء الله اذا الله سهل اداوم بعده واشوف الحل .. والمديرة والمساعدة ماقصروا ان شاء الكلام فاد معها وما تجي مره ثانية ..

[عزي]

الله يعينك اختي الغاليه ......كإنك استعجلت في المنهج ..... مواضيع الانترنت ماهي في الفصل الدراسي الثاني ؟

الحل : كلمي الكبار الفاهمات أولاََ, ووضحي لهن وضعك عشان يوصلن المعلومه الصحيحه والهادفه عن الانترنت ... واعتقد ان اللي خلاها تفهم ان الانترنت فساد وتخلف , يستطيع ان يبين انه فيه خير ويبين فوائده من حيث الدعوه والعلم .... الخ


تحياتي لك أختي الغاليه ...... اتمنى لك التوفيق

[حاسبكو دوت كوم]

هههههههههههههههههههه

ذكرتيني بحالتي اول ماتعينت
كان الله بعونك بس اتوقع ان منطقه سكانها بهذا المستوى الفكري والتعليمي ما يستاهلون شرح الدرس هذا لأن انا شخصياً اول ما تعينت كنت بمنطقة ما فيها كهرباء ولا معمل واي درس من ذا النوع لا يمكن اشرحه واكتفي بالدرس الذي تتوفر وسائل شرحه عملياً وإلا وش الفائده من الشرح والطالبة اصلاً ممكن تأخذ الدرس هذا من اي مصدر غير الكتاب المدرسي....

وجهه نظر!!!!!!!!!!!!!!!!!!!!!!!!!!!!

اخيراً عظم الله اجرك اختي على طالبات بهذا التفكير ولكن اذا كان رب البيت للدف ضارباً فشي .................الخ