ضيقوا صدري وانا صدري مدينه

[Daisy Smile]

ياسحاب أمطر على صدري همام
ضيقوا صدري وأنا صدري مدينه!

ياجروح ٍ فاقت أوصاف الكلام
ياحروف ٍ في وسط صدري رهينه

يامتاهات الحزن في كل عام
ياضياع ٍ ضيّع العمر وسنينه

كل مابكتب /حزن ارسم غمام
وكل مابرسم/فرح اكتب حزينه

يادموعي ضاقت أنفاسي زحام
ليه صوت القلب ماجاوب حنينه

كل مافيني من الضيقة حطام
ضيقتي موج البحر وآنا السفينه

اكتب همومي وأردد ياحرام
وكل ضلع ٍ جاوب فصدري أنينه

وإن وصلت بشرهتي برج الحمام
عودّت آهي على صدري كنينه

وكل ماضاق الفضا أرجع أنام
خاطري ضايق ألا يالله تعينه

مابقى في وجه ضيقاتِي احترام
ومابقى في خاطري شي ٍ تهينه

قبل أودع ضيقتي مسك الختام
ليه دايم ينكتب اسمي حزينه !!

[حلم غالي]

وكل ماضاق الفضا أرجع أنام
خاطري ضايق ألا يالله تعينه




كنت اعتقد انا لحالي اهرب للنوم واسمع كلمة متبلده بارده فالتها ولاتهتم
لكن الي بالداخل ماحد يدري عنه الا ربي وشخص واحد الله يجمعني فيه بجنته


مشكوره حبيبتي ع الخاطره لامست احساسي الجامد

[Daisy Smile]

الله يبعد عنك كل ضيق وألم ي بعد حي العرب وأمواتها
جعلني ماافقدك..
اسعدني مرورك حبي..

[حلم غالي]

الله يسعدك حبيبتي وانشالله ماافقدك
والله مشتاقه لك ولجلستك لااازم اشوفك قريب باذن الله

[Daisy Smile]

ان شاء الله قررريب جدااا..

♡♡♡♡♡♡♡♡

[حلم غالي]

فعلا ضيقوا صدري وانا صدري مدييييينه

[Daisy Smile]

جعل تضييق صدور من ضايقوووك..

[حلم غالي]

لا لا لاتدعي عليهم الله يهديهم وبس