قال إيه؟ ... حقوق المرأة

[خيــــَــــــال]

الدكتورة :ليلى صالح


‏باللهجه الحجازيه الجميلة

ما يرفع ضغطيشَي زَي كلمة حقوق المرأة .. وبالذات في السعودية .وهادي المشكلة طلعت متى؟


بعد 11 سبتمبر .... سبحان الله .. يعني كانوا من ألف وأربعمية سنه نايمين .. وفجأة كده صحيوا


وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ...


الإنتخابات البلدية ليه مانشارك فيها؟ وليه ما نروح هناك ونرقع بالصوت؟


يا أختي حلالعليكم البلدية كلها .. يعني إيش تبغوا تسووا؟


تحطوا ضوابط إصدار الرخص لمحلاتالحلاقة مثلا؟


والا تناقشوا سفلتة الشارع اللي يودي على بيت أم إبتسام؟


والا ليهالشارع الفلاني ما فيه كوفيرة مغربية وكل اللي فيه مصريات؟


يا أختيريِّحي راسك . اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشيمشروع إنتخابي؟ هادا من تمام الفضاوه..


طيب قولوالوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلسالبلدي و نتخذ قرارات مهمة .. وأترك لكم جوابها .. إيشيكون


أما عن حقوقالمرأة في السعودية .. فياسيدي الست هنا لها حقوق وواجبات ما تتنازل عنها.


مثلا: فيبلدان كثير عربيه وأوروبيه تلاقي شحط طويل عريض جالس في الباص ...وقدامه وحده فيالشهر التاسع واقفه على رجولها وشايله طفل تانيعلى كتفها .... إن الشحط يتحرك؟ .. أبدا...


إن الثور يحس؟ .....لايمكن.


لكن هل يمكن يحصل هادا في السعودية؟أبدا ..


واللي يبغى يجرب.... الطريق قدامو .... يا عميالعملية كلها دلع حريم في دلع حريم ... رايح أعطيكم بعض الأمثلة وقولوا لي مين الليآخِد حقُّوقه بالكامل وزياده؟


وهل عندنا المرأة متساوية مع الرجل .. والا هي أحسنمِنُّو؟


قالحقوقالمرأة .. قال.


منظرعام


رجالمحترمين زي الورد واقفين أمام صراف في بنك .. وتِجي أختنا فيالله


)اللي يقولو إنها مهضومةالحقوق)


تتقدمللصراف (ِatm)مباشرةولا على بالها منالطراطير اللي واقفينمن ساعات ..


وبعضهم مستأذنين من عملهم. طيب ليه ما توقِّفتِمسك سِرا ورا عشرين بنغالي... وثلاثين باكستاني ... وخمسين سعودي... واثنين معقبين معاهم شوية فواتير مقاس إكسلارج


.. وإذا أحد كلمهاوقال لها أتفضلي يا أختي تردعليهوتقول: لا، معليش. المرأةزَيّ الرجال


.... خليني فيالطابور .... زَيِّي زيكم؟! .... ليش ما تقولكده؟! ... والا هي تماحيك وبَس !


ونفس المنظرفيالجوازات .... والأحوال ... والتأمينات .. ويقدرأحد... يقول إنه من ظهرأبوه .... يفتحفمُّه؟ ... على طول يسمعالعبارة الشهيرة ... ( عيب عليك .... إنت ماتستحي؟ .. هذهحرمة...إنت ماعندك أهل ...((!ويضطرالراجل إنُّهينكتمويسكت .. بل إن المرأة تشفع للراجلجوزها عشان يتقدم على الرجال الباقين. في المطار .. مثلا .. ما تشوفهم يطلِّعواالعوايل أوَّل .. وبعدين بقية الركاب؟


قال حقوق المرأة ... هههه!


اقتصاديا


شوفالراجل.. السبع... الغضنفر.. المفتري...له ثوبين أوثلاثة في السنة .. يروحبها العمل، ويحضر بها عزايم وزواجات، ويقابل بها كبار المسؤولين، الخ، الخ،الخ...


والمرأةبسلامتها .. بقيمة أدواتمكياجها فقط ...


تقدر تفتح محلخياطة رجالي محترم . ويا ريت تحط من مكياجهافي البيت.. لأ.


دا بَس للخروج ... وقيمةصباعروجوالاعلبة بودرةتساوي قيمةجوالجوزها


.. وكمان ازيدكمن الشعر قصر .. موبيت .. من حقوقها فستانلكل فرح. و مكياج.


وكوفيرة..وجزمة..وشنطه. وكمانخُدواهادي .. سابع بنت عمي. ملكةأختجارتنا . ولازمهدية. واللطخ يدفع .مو مهم الفلوس جات من فين .. المهم يدفع .. والدنيا ممكنتنقلب على الراجل والليخَلَّفوهعلشانموضوع (مهموحيويزي كده.(


قالإيه! حقوقالمرأة.


نفسيا


الزوج مطالب يكونأربعة وعشرينساعة رومنسي ومبتسم،ولايبقى جلف وإبنستين في سبعين..


ويعني إيهعندهمشاكل في العمل؟! والاأقساط متأخره؟! والافواتير؟! والامقاضي مايعرفكيف يجيبها؟!


مو مهم ..واجب عليه إنه يرجع من العمل للبيت مروِّق ومبسوط وبَس ... كإنه كان في شرم الشيخمصيف مع نانسي عجرم .. ((مجرد مثل .. تف .. بره وبعيد(( ....


والست بسلامتهامن ساعة ما يرجع من عملو .. وقبل ما يفصخ حوايجو: شوف بزورتك(لاحظوا .. بزورتك) طفَّشوني .. إيش رأيك نغير غرفة النوم؟ التلفون ما فيه حراره ...


جاتني رساله على الجوال يقولواالفاتوره طلعت .. أَلحق سّدِّدو قبل ما يوقفوه عن الخدمه ... ... .. ... ومع هاداكُّلو ..لازم يبقى رومانسي.


بينما هي وبكلسهولة تصحى بسلامتها في الظُهر...وتجد الكارثة الكبرى....يوه ... ما عندناصلصه ...وبكل رقة تتصل...ألو ألو ...أبو خالد موجود؟ ممكن أكلمه لو سمحت؟ ألو .. إيوه... أنا ..


حتكون مين يعني؟... المهم ... جيب معاك غدا ... ماهو إنت يا فالحنسيت تجيب صلصه معاك أمس.


ولإنه موفاضي.. و قرفان من العمل.. يصدق المسكين إنه هوإللي نسي ويقول بكل شجاعة ..... طيب.


. وفيرمضان: تعبت ....أوف .....إنتداريعنحاجه؟أنا أبغىخدامة... أنا خلااااااااص .. ومن ثالث يوم رمضان ....مقاضي العيدمن جده ...أختي جابتملابس لها ولعيالها .. إيشأقولَّك بس ... وخُد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو، لأنوطول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالعفيه وهو يتطوَّح من ثقل الزنابيل .. ولا تقوللُو فزعه .. حتى لوبالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكونمشبوه .. إيش ينزلك لوحدك وسط الحريم؟ .. طيب إنت مو كنت معايا فيالسوق .. أحد قال لك لا تشتري؟


قال إيه؟ ... حقوقالمرأة.


شرعا


المرأة لها حظ من أبوها .... وحظ من زوجها . هادا غيرأمها .. وأخوانها ... وأبناءها .. والراجل مطالب إنو هواللي يصرف عليها مهما كان عندها فلوس.


وثانيا: الرجال لازميروحوا للمسجد خمس مرات في اليوم .. جمع وجماعات . حر وبرد .. ليلوصبح .. لازم يروحوا ... بينماالست تصليتحت المكيف ... في غرفتها... وأجرها زي الرجالتماما .... ياعيني .. ياعيني ..والله الإسلامأعطاكمكتير .... وياريتو يِبانفيكم


استغفرالله العلي العظيم واتوب اليه

[متميزه]

يعطيك العافيه ..

[طالب المزيد]

سبحان الله كأنها سمعت أفكاري

صح كلامها بس في شغله مهمه لازم الكل يعرفها من رجل أو امراه

كل شخص له دوره في الحياة سواء زاد تعب الرجال أو نقص وكذلك المرأة

إذا قل تعب الرجل من ناحية زاد من ناحية أخرى .. وكذلك المرأة إذا ارتاحت من ناحية

تعبت من ناحية أخرى ولو جيت تحسبها علي المدى البعيد الكل متساوي في التعب و الراحة

طبعا لان الكل يحسبها في وقتها فقط وهذا من ضيق الأفق لدى البعض

ولازم كل واحد يبقى في الدور بتاعه عشان الحياة تمشي

-----------------

علي العموم شكلي طولت عليكم والموضوع لو كتبت به كان الاب توب حقي خرب

وبصراحة أنا أحب اللاب توب حقي

[حلآ الكون]

صراحة ممكن تكون غلطان ببعض الاشياء*

انت تقول ان المرأة مرفهه نوعا ما*

حرام والله

انواع وأشكال الشقا بتحصله

لو جينا للتربية

مين بيربي أكيد المرأة

يعني هي الي تحمل وتولد وترضع وتسهر وتربي ..... الخ

لو شو ماكان ماراح ياصل الرجل كثر تعب المرأة خاصة في تربية الاطفال ومراعاتهم

وهذا المتعب*

كمان انت بعد بتقول انه هي بس بالسوق وتتشرى وكل حفلة لازم تشتري

يمكن عندكم انتم ياهل الحجاز

لكن لو تجي عندنا ياهل نجد

بتشوف كيف إحنا عايشين
مو كل شوي نشتري يعني عادي الفستان الواحد تلبسه لخمس ست حفلات متتالية
ولو طلبنا فلوس بنتشرى ملابس
يقووول
والله مامعي الراتب باقي لينزل واذا نزل الراتب

قال كل شوي أعطيك

لا لا لا

كيف كل شوي تعطيني وانت من العيد للعيد بس

طيب حل ٍثاني

عطني كل شهر مصروف وماراح اطلب كثير

مثلا كل شهر 500 ريال

نعمة من رب كريم
عشان مااكلف عليم
ايش يقول ليش أنا اكد عليك فاضي لك شايفة الفلوس

جايه من الهوا*

لا لا لا

طيب ليش مو هذا من حقك

اذا كان ماديا غير مقتدر نراعي ضروفه ونسكت

مثلي مثل اي وحدة بحاجة لاغراض

طيب غير كذا

مو داري لا عني والا عن البيت والعيال

وان تعب احد عياله واتصلت عليه

يقول أنا مو فاضي أنا عند الشباب بالاستراحة*

ياولد الناس هذا ولدك مو ولد الجيران اذا جاه شي بيكون بذمتك

صراحة هذي مو كذب

وعني أنا تقريبا لي اكثر من سنتين ماطلبت من أبوي*

فلوس كله لأني مقدره ظروفه
مع ان راتبه ماشاء الله حلو تقريبا فوق الأربع عشر الف
بس لانه بيني فلة فأقول حرام

وأخذ من مكافاتي*

وان احتجت فلوس وصارت المكافأة توها مانزلت او تأخرت

وطلبت من أبوي قال ماعندي*

طيب ليش يبه

أكيد ماقلت لك ابي فلوس الا لأني بحاجتهم

..............…
شوف اخوي نظريتك جدا خاطئة

كلاً ويتكلم عن نفسه

ممكن الحجازيين فيهم طيبة قلب زيادة

لكن إحنا عندنا يووووووووه


يخوفون


أنا أتكلم من واقع


صحيح أنا مااتزوجت*

لكن اقول عن اللي اشوفه

وبعدين فيه وفيه

يعني فيه الزين وفيه الشين

مثل الرجل فيه الطيب وفيه العصبي والشرير

اطلت بكلامي

لكن لو الى بكرا اكتب ماراح اخلص

يعطيك العافية اخوي عالطرح




ممكن يكون خطي صغير لكن العذر

لأني داخله من جهاز الايفون ومو راضي يغير الخط

[حلآ الكون]

أنا ماشفت ان قايلة الموضوع حرمة

بصراحة مااشرهه عليه

وغلطانه

واذا هذي حرمة قايلة كذا

اجل وش خلينا للرجال

ولو احلف

ان هي حافظة السوق

وهي اللي تسوي هالحاجات هذي كلها

والباقي مظلوم

وتحسب الناس كلهم زييها

على قولة المثل

كلن يناظر الناس بعين طبعه

[خيــــَــــــال]

عطرتم موضوعي بمروركم

شكرا لك اخت متميزه والله يعافيك
وشكرا لك اخي طالب المزيد
وايضا شكرا لك اخت حلآ الكون

اسعدني مروركم

[خيــــَــــــال]

اخ طالب المزيد
صح عليك شكل الدكتورة سمعت افكارنا
وحست فينا
الصراحة كلامك صح الصح
شكرا لك

[طالب المزيد]

علي فكرة لكل من قرأ هذا الموضوع

لا أحد يظن إني ضد المرأة

تراني من أنصار المرأة من الدرجة الأولى

ومعاها في كل شي تطلبه من حقوقها .. ولكن في حدود العقل و الدين

[تماراTMARA]

الاسلام ضمن الحقوق
ولو استشعرت اي إمرأة ان حقوقها هضمت فلتتيقن تمام اليقين بأن السبب
عدم تطبيق قواعد الدين في تعامل من ظلمها معها
نحن لا نعاني من هضم حقوقنا بقدر ما نعاني من عدم معرفة من نتعامل معهم بحقوقنا
وما قرره الشارع لنا
ولذلك لا اتمنى ان تكون هناك مطالبات بحقوق المرأة
بل مطالبات بتطبيق الحق وتحكيم الشرع بالعدل
وقتها سنقول قد اعطي كل ذي حق حقه

اننا نعاني من الجهل للحق في مواقف وتطبيقه في مواقف

[طالب المزيد]

المشاركة الأصلية كتبت بواسطة تماراTMARA

بل مطالبات بتطبيق الحق وتحكيم الشرع بالعدل
وقتها سنقول قد اعطي كل ذي حق حقه

هذا خلاصة الكلام ونهايته واساسه وأهم ما في الموضوع