|| ياصاحبي طالبك خلّني بــ حالي ||

[شيهانه العز]

ياصاحبي طالبك خلّني بــ حالي

ما أبي "أضيــّــق خاطرك" وأنت مرتاح

ياصاحبي وإن غبـــت عنك " ليالي "


غلاك باقي بــ الحــــــــــنايا ولا راح

تبي أسولف لك ، وش اللي جرالي ؟؟

أخاف يمسح قولنا الصبـــح لا لاح


أجل تعال أجلس هنيـّـا قبــالي

دام الحطب طاح وكثير العتب طاح


لو كل شخص إليا عطيته وفالي

ماكان بــ الدنيا حزن ليل وجراح



ولو كل غالي قدّر إحساس غالي

ماشفت ذاك الدمع من محجره ســاح

ولو كل قلب من الحسد جاك خالي

مايشتكي من شحّ الأمطار فــــلاّح


ولو كل واحد جاك طبعه مثـــالي

ماكان بــ الدنيا سجن ناس وإصلاح


ولولا الذنوب اللي بـ كبر الجبالي

ماكان جيش الكفر لــ بلادنا إجتـــاح


ولو الردي يعرف شــ معنى عيالي

ماقطّ أبوه بـــ دار الآلآم يـــــــا صاح


هذا بعض حزن السنين التوالـــــي

طير الحزن مبطي على خافقي ناح


ما أقول أن الخير ماله مجالــــــــي

لآ والذي يفلق من الليل الإصبــــاح


لكن هنا بعض الألم ياحلالي

وأنا أدري أن العود يوم أحترق فاح


أول أقول إني صبور وشــــــمالي

واليوم لآ والله أنفجر سدّي وبـــاح


ماقلت لك ياذيب خلّني بـ حالي

هذا أنت ضقت وأذكرك جيت مرتاح





**مما تصفحت وأثار مشاعري **

[safanh]

قصيدة همومية ,,
لكنها رائعة ,,
شكرا للذوق العالي في الانتقاء ,,

مما أعجبني ::

ولو كل غالي قدّر إحساس غالي

ماشفت ذاك الدمع من محجره ســاح

[اللهم الفردوس]

ولو كل غالي قدّر إحساس غالي

ماشفت ذاك الدمع من محجره ســاح

يعطيك العافيه ياشيهانه قصيده حزينه لكنها رائعه

[شيهانه العز]

يا نعمه النسيان يارحمه الله..لولاك انا ايش كان سويت..
كان اذكر اللى فات دقه وجله...وماكان ساعه فى حياتى تهنيت...........
شكرا على المرور سفانه واللهم الفردوس....
لاعدمتكم......

[همسات]

لو كل شخص إليا عطيته وفالي

ماكان بــ الدنيا حزن ليل وجراح

كلمات اكثر من رائعه ياشيهانه

مشكوووووره حبيبتي

[أ / نواف]

أول أقول إني صبور وشــــــمالي

واليوم لآ والله أنفجر سدّي وبـــاح


ماقلت لك ياذيب خلّني بـ حالي

هذا أنت ضقت وأذكرك جيت مرتاح



جبتيها على الجرح يا شيهانة العز

صح لسانك ملايين ولا يسدون

قصيدة عانقت السحاب بشموخها وجزالتها

اعتقد انها بالنسبة لي اصابت الجرح الدامي في هذا التوقيت بالذات

فأنا بصدد فقدان صديقي ورفيق دربي بسبب الاغتراب والسفر خارج المملكة

اشكرك على روعة النقل

لك تحياتي واحترامي

[غزال شارد]

ياصدمتي في أكثر أحبابي وياخيبة ظنوني
ياضيق صدري لاذكرت اني عليهم ماكذبت
ياطعنة خلتني انسى من سبايبها طعوني
ياجرح ماله طب حتى لو أقول طبت




انتظري ردي
؟؟؟؟؟؟؟؟؟؟؟؟؟؟؟؟؟؟؟
فقدت في الشده حبايب وخلان ,,,,,,, هانت عليهم عشرتي بس ماهنت

خانوا وقلت ان الزمن مثلهم خان ,,,, لكن بعد ماشفت زولك تطمنت

وعرفت من فقدي لهم اني انسان ,,,,, ماعاد باقي له من العالم الا انت

[شيهانه العز]

همسااااااااااااات شكرا على مرورك لاعدمناك........
استاذ نواف الدنيا بتعطى وتاخذ شكرا على مرورك لاعدمناك..........

[شيهانه العز]

تذكر يوم اقولك جسد يحتوي روحين
واوعدك ما أخليك وتوعدني ما تخليني ؟

أذكر يومها أشوف بالدنيا بس أثنـين ..
قلبي اللي يحبك وقلبك اللي يحويني ..

شكرا غزال شارد على مرورك لاعدمنااااااااااااااااااااااااااااااااااااااك دوما.....

[المستحيل الممكن "]

لو كل شخص إليا عطيته وفالي

ماكان بــ الدنيا حزن ليل وجراح

قصيده حلووووه احزنتني كثير كثيرررر
شيهونه انتي شاعره مبدعه