شارك معنا بطفولتك الغبية ..

[دنيا الأمل]

.. الطفــــــــــولــــــــــة ..

.. أحلى مافــي هالحيــــــــــاة ..

.. كنـــــــا دايــــــــم نبتـــســـــــــــــم ..

.. كنــــا حــــتــى لــو بكيـــنـــــا ..

.. وجـــارت الدنيــــــا علينـــــــا ..

.. بــــعـــد لحـــظـــات وثـــوانــي بسمــة فينـــا ترتسم ..



.. بعد هالكلام الحلو .. ابغى من الكل وبكل صراحة ..

.. يكتب لنا حركة غبية أو موقف غبي صار له وهو صغير .. ( اعتقد الكل لديه مخزون لا بأس به )

.. وإذا كانت ذاكرته ضعيفة .. نسمح له يكتب مواقف الحلوين الي حوله حالياً ..

.. اتمنى من الكل يكتب .. ( الله يخليكم لا تكسرون خاطر وحده مريضه ومع ذلك حاولت قد ما اقدر اقدم لكم شيء ) ..

[فجر2007]

اولا دنيا شخبارك وانشالله بترجعين مثل أول وبترجعين لدوامك بأقرب وقت بإذن الله 0000
وثانياُ لأجل عيونك الحلوين بقولك موقفي إلى أخذت فيه أول ضربة كف بدنيتي من الوالد الله يحفظ ويخليه
ياستي واحنا بالمدرسة كنت اطلع مع أختي وبنات جيراننا ,, ننتظر بعض ولما نكتمل نروح مع بعض مشي للبيت لأنها قريبة مننا ,,,
وبيوم من الأيام سويت نفسي ذكية وشاطرة وسبقتهم بكم خطوة لأجل أبي افاجئهم من الخلف وأخوفهم ,, واستخبيت ورا نخلة كبيرة وطويلة وانتظرت ومرت دقايق وانتظر وانتظر وانتظر ورا النخلة وما أطل إلا شوي واخبي راسي عشان ماحد يشوفني ,, وبعد فترة مليت وقلت خلاص بروح البيت وأقول لأبوي انهم يتأخرون بالمدرسة,, ورحت البيت ولقيت الصدمة كلهم موجودين إلا أنا وأبوي ينتظر عند الباب لأن الساعة صارت 3 وانا مارجعت وفوق هذا أكذب واقول هم تأخروا كيف وصلو قبلي ,,, بس ما كملت كلامي إلا وذاك الكف انرسم على وجهي البرئ 000 وبس

بس لاتضحكون علي لأني كنت صغيرة بالصف الثاني أو الثالث مقالبي كانت بريئة

[دنيا الأمل]

.. يسلمو صالحة .. اخباري تمام ولله الحمد ( لكن مليت من قعدت البيت ) ..
.. ههههههههههههههههههههه ..
.. صراحة موقف لا تحسدين عليه .. ( اتخيل شكلك وانتي متخبيه ورا النخلة ههههههههههههه ) ..
.. من حفر حفره لآخيه وقع فيها ( تستاهلي ما جاك ) ..
.. ثانكس يا حلوة على المرور والمشاركة ..

[تماراTMARA]

والله إن المنتدى ما يحلى إلا بأمثالك يا دنيا ولا هانو البقية كل واحد فيه من الخير الكثير بإذن الله لكن ما أعتقد إني كذبت يوم قلت إن دنيا تحلي المنتدى بأفكارها الرائعة ومواضيعها اللي ما تخطر على بالنا....الله يسلمها ويرجعها لمدرستها سالمة غانمة ويعطيها الأجر والعافية
مثل مواقف المدرسة نشرنا أنا وهي غسيلنا ولا أحد رضي يكتب موقفه بعدنا....
والله يسعدك يا صالحة على الموقف الجميل... كنت طفلة شقية
..................................
المواقف كثيرة ما أذكر منها الحين شيء ....لكن بأستلف موقف من وحدة عزيزة على قلبي
...............
تقول سلمكم الله يوم كنت باولى ابتدائي كان جنب بيتنا روضة أطفال وكنا نشوف الروضة من سطح بيتنا ونشوف الحوش والألعاب ومرة كنت مع الأولاد في الحارة وماعندنا ألعاب تشرح البال فكرت في إني أطب داخل حوش الروضة والربع طبعا معي كلهم لعبنا وتونسنا ويوم جينا نطلع منها لمحت عيني المقصف ... المغريات كلها جوه بسكوتات وشكولاتات وإلى آخره من المغريات لقيت شباك المقصف مفتوح مو مقفل بقفل بس سحبته وأنفتح قلت جاك السعد وأدخل وأحمل البضايع وأوزع على الشلة وهربوا كل واحد باللي جاه وما صفالي شيء أكثر شيء شالوه السن توب رجعت للبيت بعد هذا الإنجاز الرائع...
ويوم السبت ما صحينا إلا على أصوات وصراخ من داخل الروضة ودورية واقفة وقفت على الباب وأنا لابسه المريول ويوم خرج الوالد يبغى يوصلنا سأل وش القصة قالوا حرمية دخلو الروضة وسرقوا كل شيء أقترح عليهم الوالد إقتراح قالهم خذوا البصمات اليوم أنسرق المقصف وبكرة ينسرق غيره....
وصلت المدرسة وأنا ماني حاسه بنفسي مدري ويش بسوي يوم رجعت البيت أعترفت وأخذت علقة عمري ما أنساها في حياتي...
الوالد راح للروضة وأعترف لهم علي وعلى الشلة ودفعوا قيمة المسروقات ووقعوا تعهد على اللي سويناه فيهم....

[stn555]

فكرة حلوه منك يا دنيا الامل بالنسبة للمواقف الغبية فانا لا افتكر شيء منها ولكن هناك موقف مر علي وهو انني كنت في مطعم اريد شراء عشاء وفجأة اذا بمضاربة بين عامل بنغالي وشخص اخر لابس ثوب واحسبه سعودي المهم تجمعوا عليه البنغاله حقون المطعم وانا بصراااااحة اخذتني الشهامة وقلت كيف هالاجانب كلهم على هالسعودي ولد بلدي لحاله المهم كنت بافزع له وادخل في مشكلة معاهم وقبل لابد اتقدم اسمع اللي لابس ثوب يحكي اردو مثلهم وتفاجات الا الرجال طلع منهم وفيهم يعني بنغالي وانا من بداية المشكلة ما سمعته يتكلم ولا جاء في بالي انه بنغالي
وكنت راااح ادخل نفسي في مشكلة بعدها جلست والله اضحك واقول حسبي الله عليكم يا البنغاله ختى اللبس اخذتوه منا وصار الواحد مايفرق احيانا ، المهم الكلام هذا قديم جدا بعد التخرج من الثانوية

هذا موقف من المواقف اللي افتكرها وحبيت اشارك بها حتى نجبر بخاطرك يا دنيا الامل

وبالشفاء العاجل ان شاء الله تعالى

تحياتي لك

[دنيا الأمل]

.. يسلمو توته على كلامك الحلوه ..
.. مشكوره يا عسل .. ( ماني عارفه ايش أقول ؟؟؟؟؟ )..
.. ما نقدمه لا يسأوي شيء أمام ما تقدميه وما يقدمه بقية الأعضاء ..



.. صراحة موقف جنان ( إجرام على أصوله ) .. قريبتك هاذي تذكرني بنفسي ( من كتابه الوضوع احاول القي موقف حلو ماحصلت كل مواقفي ؟؟؟؟؟؟؟؟؟؟؟؟؟؟؟؟ )..
.. احلى ما فيها انها تحب الخير ( عازمه الشله معاها ) هههههههههههههه ..
.. يسلمو يا حلوه على تفاعلك والمرور ..

[دنيا الأمل]

.. مشكور استاذ سلطان على المشاركة والمرور ..
.. موقف حلو منك انك تدافع عن ابناء وطنك ..
.. هههههههههههههههههههه .. ( أتخيل شكلك متحمس وتدافع واخر شيء ؟؟؟؟ يقولون لك مالك دخل ) ..

[دنيا الأمل]

.. صراحة .. لما شفت موقف قريبت توته تشجعت وقلت اكتب موقف من مواقفي الإجراميه ..
.. الموقف وبكل بساطه يشترك فيه اربعة ( انا .. واخي .. وابن خالي واخته ) ..
.. في يوم من الأيام الجميلة اتفقنا اننا نغير اسلوب اللعب شوي ( ملينا .. ركض وصراخ ...... إلخ ) قررنا انا نلعب لعبة طبيب الأسنان ووزعنا الأدوار ( ابن خالي الدكتور واخي مساعدة ) .. ( بنت خالي المريضة وانا المرافق ) .. وكنا اصغر منهم ما نقدر نعترض .. المهم .. ذهبنا للدكتور وكشف عليها وقرر له علاج سريع ( الخلع ) وطلب من مساعده أدوات الخلع ( اخينا طار لشنطه العده الخاص بالوالد .. رحمه الله .. وجاب ( بمنطقتنا نسمايها زراديه ) اعتقد عرفتوها .. طلب الدكتور اللطيف من المريضه فتح فمها ( والغبيه بكل بساطه فتحته بدون خوف هههههههههه ) ثبت اداة الخلع على السن الأمامي وطلب من المساعد مساعدته ( قمة الاجرام صراحة ) .. تحمست للموضوع ومسكت ادينها بقوه .. وخلال دقائق معدوده كانت المسكينه تعاني وتصارخ ( لكن لا حياة لمن تنادي ) وبعد معاناة ................ خلعنا لها السن وتمت العملية بحمد الله .. تمت المسكينة تصارخ وهي تشوف الدم وطيران لعند أمها ( حاولنا نهديها وأخوها الغبي يقول ارجعه لك خلاص لا تقولين ههههههههههه ) لكن الوشايه راحت وقالت لهم .. خفنا صراحة وين نروح وطيران لسطح البيت وتمينا فيه حوالي ساعه .. وخالي والوالد .. رحمه الله .. قالبين الدنيا .. ملينا من الانتظار فقلت لهم .. شباب ايش رايكم نظهر لان خالي لو بعد سنه راح يأخذ حق دلوعته منا .. فقررنا بعد صراع الظهور وكان القرار هاذا من أغباء القرارات في حياتي .. ( ما يحتاج اذكر التفاصيل أعتقد تعرفون أيش اللي صار )
.. والآن وبعد كل هالسنين.. كل ما تذكرنا الموقف ما نقدر نتكلم من الضحك ..
.. أيام ياليت ترجع ..

[احساس طفلة]

يسلمووووووووو دنيا ياعسل

والله موضوع روووووووووووووووعة
يسلموووووووووووووووو

[دفء المشاعر]

لي عوده واكتب لك احلى موقف في حياتي

بس

اليوم جدا مشغوله المديره بتدخلي بكره وجالسه احفظ الدرس وارتب افكاري