الامتحان العملي اتعبني

[ريميه]

جزاكم الله خير
ومشكوره على مساعدتكم

هناك سؤال هل يلزمني كتابة الاسئلة على عدد المجموعات للفصل الواحد ؟؟؟؟؟؟؟؟؟؟؟؟
اذا كانت الفصول سبعه ماذا افعل

[بندر الغامدي]

إستاجري غرفه أخرى ( معمل الكيميا .. المكتبه أي شي ) وقسمي الطالبات إلى مجموعــــات على حسب عدد الأجهزة المتوفره

[حمامة الود]

ياناس انا مثل زميلتي ضايعه بين هالإمتحانات
اسمعوا بس النكته انا مابديت معهم إلا في 20 -11 تخيلوا
جيت لقيت المنهج موقف وطبعا انا ماداومت لإن التعيين ماجاني إلا بها لتاريخ
انا كان اخر شي ببالي ان المنهج بيكون موقف ماتوقعت بيخلونهم ثلاث شهور تقريبا بدون مدرسه
حاولت الحين امشي المنهج قد ما أقدر واشرح الأساسيات اللي بتفيدهم بعدين, بس الى الآن ماامتحنتهم اي امتحان لاشهري ولا نظري ولاشي ودي أصيح ياناس
احس اني ما اقدر اسوي شي والحصص ما احد متعاون كل وحده الله يهديهم ماعليها الا من نفسها
كلهم يبون يمشون مناهجهم الحين انا لقيت كذا معلمه الله يوسع عليهم ساعدوني بحصص وابتمحن فيها نظري شهري
والعملي راح اوزعهم كمجموعات ويسووون مشاريع بس المشكله الحين العملي النهائي تكفون وش اسوي
عدد الأجهزه عندي 13 والبنات 43 ابقسمهم لمجموعات بس من وين ابجيب حصص انا ودي انه يكون في اسبوع المراجعه وافرغ يوم لكل صف يعني اول ثانوي كلهم في يوم وثاني في اليوم اللي بعده بس المساعده رافضه اني آخذ من حصص المراجعه والمعلمات في الأسبوع الأخير موراضين يعطوني حصص متقاربه يعني لازم اغير الأسئله وانا مادري وشلون اكتب نماذج مختلفه يعني اول بلحالهم يبي لهم ست نماذج وثاني اكثر وش السواة ياناس ضاقت علي الدنيا
انا خايفه يرسبون البنات على هالحال تخيلوا واحد من الفصول حطيت لهم نظري مع عملي في نفس اليوم وش اسوي المساعده ضاغطه علي وانا ما ابي البنات يرسبون ويضيعون بسسب هالوقت اللي ضاع
تكفون ياأهل الخير ردواعلي واعتذر من زميلتي كاتبة الموضوع بس والله ماصدقت القى احد نفس وضعي ويحس باللي انا فيه عشان اشكي له وافضفض له اعتذر مجددا واطلبكم تردون علي
هل انا ملزمه اني امتحنهم في الأسبوع اللي قبل المراجعه ولا ممكن في اسبوع المراجعه
ولازم اسوي نماذج مختلفه ولا عادي لو كررتها عشان ما اظلم البنات من حيث الصعوبه
والله يجزاكم كل خير ويفتح لكم ابواب رحمته الواسعه