مشاعري :: واصعب سؤال "

[المستحيل الممكن "]

السلام عليكم ورحمة الله وبركاته
قصيده اعجبتني وحبيت اطلعكم عليها :: بصراحه اهداء ::

( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :


البارحه يومه سأل : ( وش ذكـرك ذيـك الليـال ؟ )
كان الجواب بكل بساطه : ( من متى اصلا نسيت ؟ )


ادري بان جمع ( الصعوبه والبساطه ) شي محـال !!
لكنها صارت كذا ! واللي (( اهـم )) انـي دريـت :


ان الحيـاه فبعـد احبـابـك اذا جــف الـوصـال
اتعيشها لو تقتنع انك خلااص اصبحـت ( ميـت !!)


يا صاحبـي لـو كـل شـي يمـر بالخاطـر يقـال
مـا كانـت العبـره تولجنـي اليامنـك طـريـت ؟!


شفني قدرت احبس دموعي بس ( دمع القاف ) سـال
ويا كبرها ساكـت ولكـن داخـل اوراقـي بكيـت !!


عمر الحكي ما كـان دافـي لاابتـدى بقولـة تعـال
لجل اتجاهـل رجفـة حروفـي اليامنـي حكيـت ..


الحـال فـي بعـدك قسـم بالله مـا اسميـه حــال
انوي على الضحكه واحس كلي خطا لانـي نويـت ؟!


اتصور انـك مـن رحلـت اشوفـك لجسمـي ظـلال
لا شفته امشي ببتعد واثره معـي مهمـا مشيـت !!


مـدام يعنـي فـي بحـرك لفرحتـي مليـون جـال
وش فيه موجك ما ركد ؟ قربت اموووت وما رسيت ..


يرضيك مـا عـادت معـي تفـرق اذا جالـك مجـال
لاني اقتنعت انك نهايه وانـي ببطـي مـا بديـت !!


صرت ( اعقد حجاجي ) اذا جابوك باطـراف الجـدال
وانا قبل لاقالوا اسمك كنـي : ميـت ثـم حييـت ..


تعبـت اعيـش الـدور وافتـح للمعاذيـر الخـيـال
واتخيل اني جيـت فـي بالـك وبانـك استحيـت ..


وتردلي كلك (( وله )) وتقول : ( كن البعد طـال ؟ )
ومن الفرح ما عاتبك واقول : ( ياخـي مابغيـت ! )


حتى وانـا تخيـل حشمتـك ! لـن قلبـي لا يـزال
يكرر اسمـك داخـل اعماقـي بنبضـه لا سهيـت ..


قلي شسوي فيـك ؟ وانـت بداخلـي اصـدق مثـال
للحب واحساس القصيد ان عانق الليـل وسريـت ..

ربـي يصبرنـي علـى الفرقـا مـدام الحـظ مـال
وانت بيجيلك يوم تعرف ليـه فـي بعـدك شكيـت ..


واذا بـلاك الله وعذبـك اشتياقـك (( بـس تعـال ))
واقرى القصايد في غيابك كلبوها بيـت ... بيـت ..


بتدرى ان ( اصعب سؤال ) اللي يجي رده ( سـؤال )
لا قلتلي ( وش ذكرك ؟ ) ثم قلتلك ( متى نسيـت ؟ )



*****************
الشاعر
محمد جارالله السهلي

[روح الياسمين]

تشكري المستحيل الممكن على القصيده

[mooof]

قلي شسوي فيـك ؟ وانـت بداخلـي اصـدق مثـال
للحب واحساس القصيد ان عانق الليـل وسريـت ..

ربـي يصبرنـي علـى الفرقـا مـدام الحـظ مـال
وانت بيجيلك يوم تعرف ليـه فـي بعـدك شكيـت ..

شكرا مستحيل , أبيات تعبر عن معاناة حقيقية

[دنيا الأمل]

اختيار موفق المستحيل الممكن

مشكوره يا مبدعه

[همسات]

تسلمين المستحيل الممكن على القصيده الحلوه

[سمو]

ادري بان جمع ( الصعوبه والبساطه ) شي محـال !!
لكنها صارت كذا ! واللي (( اهـم )) انـي دريـت :

ابياااات رائعه تسلمي حبيبتي على النقل المميز "

[صمتي جرحني]

مشكورة أحسني الاختيار

[نبضة أمل]

يا صاحبـي لـو كـل شـي يمـر بالخاطـر يقـال
مـا كانـت العبـره تولجنـي اليامنـك طـريـت ؟!


شفني قدرت احبس دموعي بس ( دمع القاف ) سـال
ويا كبرها ساكـت ولكـن داخـل اوراقـي بكيـت !!

تسلم يديكي

بأنتظار جديدك

[دفء المشاعر]

الله يعطيك العافيه


يا الغلا

[Spears]

قصيد ة رائعة

واختيار رائع تشكري عليه غاليتي