هل طريقتي صحيحة في التعامل مع كهرباء معمل الحاسب

[منـــار]

السلام عليكم ورحمة الله وبركاته


حابة اسأل عن الطريقة السليمة في اغلاق المعمل

انا لما انتهي من اخر حصة حاسب في اليوم اقفل كل الاجهزة وبعدها اقفل الكهرباء من القاطع الرئيسي للمعمل

لكني ما اقفل المحولات

هل يحتاج اقفل المحولات وهل يكفي تقفيل المحولات عن قطع الكهرباء الرئيسية

دلوني على التصرف الصحيح الله يسعدكم

سبب سؤالي هو مشكلتي التالية :

معمل الحاسب فيه عدد من مثبتتات الجهد ( محولات ) بعضها مشبوك فيه اربع اجهزة او ثلاثة

وواحد منهم مشبوك فيه سبع اجهزة دفعة وحدة !

احس انه صاير ضغط عليه لانه المرة الاولى تعطل هذا المحول دونا عن البقية وطلبت الصيانة وكل اللي سواه انه شال اربعة منهم شبكهم مع ثلاثة يعني برضه المجموع سبعة وشال الثلاثة الباقية وشبكهم مع ثلاثة ثانية وصاروا ستة

يعني نفس المشكلة خلاها مضاعفة ماقدم لي اي حل

وفعلا الحين ضرب عندي واحد من هالمحولات المضغوطة وتوقفت سبع اجهزة عن العمل

هل احل المشكلة بنفسي واسوي مثله اشيل هالسبعة واوزعهم على محولات ثانية

والا وش اسوي بالضبط

وهل طريقة اغلاقي للمعمل خاطئة ؟

[alamal]

انا اقفل بنفس طريقتك
بس من القاطع الرئيسي للكهرباء مااقفل الزر الكبير
اقفل الازرار الصغار واحد واحد وهكذا
ولما اشغل الكهرباء برضوا اشغل الازرار واحد واحد

[طالب المزيد]

بالنسبة للمحولات العطلانه أنا ما أستنى الصيانة

حرام والله .. الطلاب هم الضحية

اسوي بره يكلفني ما لا يزيد عن 20 ريال

الحمد لله لك يا رب أعتبرها زكاة

وتكون المشكلة في الغالب "فيوز"

-----------------------------------

وبخصوص الإغلاق اقفل الأجهزة عن طريق النت سبورت

وبعدبن أقفل الكهرباء كاملة من القاطع

ومع إقفال الكهرباء بالكامل من القاطع فا المحولات تقفل معاها

وأعتقد أنها مثبة للتيار .. لا أعلم والله

----------------------------------

[منـــار]

الله يعطيكم العافية مشكورين الامل وطالب المزيد

اذن انتوا نفس طريقتي في الاغلاق

بخصوص الصيانة من برى ودي حتى لو يكلف اكثر اهم شي ما نتعطل هالعطلة

انا كذا مرة شريت على حسابي اما كيبورد والا ماوسات والا دسكات للمعمل وعلى قولتك اخوي طالب المزيد اعتبرها صدقة

لكن ما ادري كيف اسوي الصيانة من برى للمحولات

هل قصدك اخذ المحول معي لمحل يصلحه

وهل المحل يكون محل تصليح اجهزة كهربائية

معليش مالي خبرة في هالموضوع لو تفيدني اكون شاكرة لك

اذا قصدك اجيب عامل يصلحه في المعمل للاسف مو مسموح لنا هالشي لازم طريق الصيانة في الوزارة

الله يعطيكم العافية مرة ثانية ومشكورين على الرد

وان شاء الله بعد احصل على اجابات اكثر عشان نشوف هل طريقتنا صح والا لا

تحيتي لكم

[طالب المزيد]

المشاركة الأصلية كتبت بواسطة منـــار;132872
[color=red

لكن ما ادري كيف اسوي الصيانة من برى للمحولات[/color]

هل قصدك اخذ المحول معي لمحل يصلحه

وهل المحل يكون محل تصليح اجهزة كهربائية

معليش مالي خبرة في هالموضوع لو تفيدني اكون شاكرة لك

" أكيد بفيدك وكلنا هنا نكمل بعض ونستفيد من خبرات بعض "

كنت أقصد أنك تأخذي المحولات إلي محل تصليح أجهزة كهربائية

و هم يشفوا شغلهم

وبالتوفيق

[منـــار]

المشاركة الأصلية كتبت بواسطة طالب المزيد

" أكيد بفيدك وكلنا هنا نكمل بعض ونستفيد من خبرات بعض "

كنت أقصد أنك تأخذي المحولات إلي محل تصليح أجهزة كهربائية

و هم يشفوا شغلهم

وبالتوفيق

جزاك الله خير وبارك لك في علمك وعملك

الف شكر على الرد اخوي