الفرق بين كتب الطلبه والطالبات ..؟؟؟؟

[amona]

الفرق بين كتب الطلبه والطالبات؟!

اولا: الطالبات..- كتب العاشقه هذي ماااتدري وين الله حاااطها..كتبها دوووم ناااقصه... ضااايعه...دايم متأخره... ودايم تسأل: وين وصلتوا ؟؟ ... او اتعليق...
آخر السنه الدراسيه (جزاهالولهانه..
وهذي اللي كتبها كلها أشعار وقصايد.. وحروف.. ورسوماات<<الأخت صاايره لينااردو دافنشي...
ترسم عيون وتتفنن بتكحيلها.. وقلوب ..وحركاااات..
ومراات تكتب بالخط الهيروغليفي... ((أسرار ماتبي أحد يفهم))

2- كتب المستهتره..
هذي كتبها من تستلمها من مخزن المدرسه ليحد آخر السنه الدراسيه ماااسوت فيهم شي...نظاااف يلمعون...
مافيهم ولا خط ولا ايا الله خيررر))تردهم لمخزن المدرسه نفس ما أخذتهم ردتهم<<<مااشاء الله عليج
...
3- كتب البنت الشعبيه..
كتبها كلها سوالف وأسرار مكتوبه بينها وبين اللي جنبها...ومراات صور(مطربين/ممثلين)..
ومرات صورها بعرس أو حفله...او صور....؟؟؟!!!(الحبيب)<<سارقتهم؟؟
...
ملاحظه:؟!
جميع المجموعات السابقه لاتوجد ع كتبهم(بطاقة تعريف)))..
<<<يعني مو حاطاات طابع للأسف أو الصف..
...طبعا مااايحتااج لان ولا وحده فيهم جايه تدرس...

4- كتب ام قليب...
هذي كتبها ..اووووووووووف في حاااله يرثى لها..
مترووووس اوراق وأسئله.. وتعليق وشرح<<<انا بعرف ليه تشرحين الكتااب مشروح وخااالص...
لا بعد لا يحوووشك الالواان..
يااااااالهي<<< الله لاتبلانا..
تخطط بجميع الالوان... ازرق واخضر واحمر اسود......الخ
ولااااااااااا...الفسفوري اللي يبط العيوون ويسوي انعدام للشبكيه<<استغفر الله..

ملاحظه: لاتبيع عمرك وتطلب كتابها...((لانك راح تكره نفسك ))
..اصلا مستحيييل <<<احلم تاخذ كتابها...

5- كتب الراااايقه الفااااضيه:
هذي كتبها لوحاات...تخطط بقلم الرصاص... خطها صغيييير ... كتبها هاديه ...يااانااس ذرابه..<<<ياعيني عليج..
تلزق اوراق...عشان تكتب ملاحظه المدرسه..
...فاهمه كل شي بس بليييز لحد يزعجها...<<<سكووووووت...

6- كتب البيبي دووول:
هذي حسبالها لحد الحين بزر...كتبها فيها ستيكرز((باربي -براتز-سندريلا...))
... دوم تخطط بالألوان الفاااتحه وخااصه الوردي...

7-كتب النااايمه :
ي صفحه انتم اللحين؟؟!!
...يعني طووول الكورس نااايمه ...بس تصحى بفتره الاختبااارت..

ثانيا: الطلبه..شوفوا مااااعرف عنكم الكثير ...بس هذا ماااسمعته عن كتبكم...
1- كتب العربجي ((حده بااايعها)))
...مااكو غلاف...ماكو أسم<<اكييد مااايحتااج
...تكثر عليه الرسوماات...سياارات وتقحيص(تفحسط))
...وحروف...
تكثر هذه المقولتين بالكتاااب..
ابو (((اسم حيببته)))- لعيون...فلانه<<<اسمها
...كلماات عربجيه غير مفهومه..
...تكثر البدلياات بالكتااب... الخط <<<حدث ولاحرج...
مرااات لما تقرا كتبهم تحس الخط واللغه مو عربيه...
...والكتااب يفتقد للكثير من الصفحاات... المسروقه او الموجوده في مكااانن ما على سطح الأرض بس وين الله أعلم؟!

>>واعتقد ان معظم الاولاد يتبعون المجموعه الساااابقه...


...اما البقيه...
فقلييييل...قليل جدا...
0.1% مابين اللي يخطوط كتبهم واللي ...يرجعون الكتب مثل ماأخذوها((فاااضيه))
... والللي ماااعندهم كتب بالمره...<<ذووول حاله نااادره..آخر السنه الدراسيه وقبل أختبارات الفااينل.. يشتري كتاااب ...هذا اذا طرى ع باله..اصلا...يشتري كتااابه..

>>لانهم معتمدين ع البراشيم ..ولو تسأله عن المنهج الدراااسي مااايدري اصلا هو باي مرحله دراااسيه...وشلون تبيه يدري وش اللي بكتابه..؟!


... هااااا بنااات /شبااااب ...انتم من اي المجااميع؟!

كل وااحد يقول كيف كانت كتبه ايااام الدراسه...وهو يتبع اي مجموعه؟!