بسأل عن تقسيم الدرجات

[ينابيع الغلا]

بسم الله الرحمن الرحيم

السلام عليكم ورحمة الله وبركاته

كيف الحال للجميع

أخواني وأخواتي .. حبيت استشيركم

في البداية بسأل عن تقسيم الدرجات هل هو على ما كان في الترم الأول

يعني ( 20 ) درجة

( 8 ) درجات عملي
( 7 ) درجات نظري
( 5 ) منهم ===>>> ( 3 ) مشاركة وحضور + ( 2 ) الدفتر والواجب والكتب

لإني بصراحة ودي يسوون لي أعمال
وما أقدر أطالبهم بأعمال والنشاط ما له حق في التقسيمة
يعني بنات راح يخسرون وبنات لا
في الترم الأول جابوا لي بنات أعمال حلوه
وحطيت درجتين مثل ما وعدتهم بس أخذتها من درجات العملي ( 8 )
وسألت المشرفة وهي أصلا مشرفة رياضيات .. بس تجيني تشرف علي
وتقول ما أدري عن شي .. سوي اللي تشوفينه
وأدري إني أخطأت بأخذي من درجات العملي .. بس ما عرفت وين أحطها
فأبي رايكم .. هل أطالب البنات بأعمال .. أو .. اتركهم


وبالمناسبة درجات الحين مثل ما خبرتني الإدارة
إنه فيه فترتين للاختبارت .. والدرجه من ( 10 ) لكلا الفترتين
وأنا ما عطيت أول بالنظري إلا باب الطباعة باللمس .. ومعالج النصوص بس بدايته لحد الخصائص
يعني ولا شي سهل مره .. فـ ( 10 ) درجات كثيره
ودي اختبرهم عملي معه .. بس محتاره كيف راح يكون اختبار العملي
فاللي عنده أسئلة اختبار أو اقتراحات عن باب الطباعة باللمس ( عملي )

يساعدني الله يجزاه خير
ولو بسؤال واحد .. غير إن الطالبة تعدد لي الأحرف لصفوف لوحة المفاتيح
وآسفه للإطالة .. فأملي بعد الله بمساعدتي أنتم يا أهل الخير

دمتم بخير ورضا