احـب مالـي عيـونـي وانــت تسـواهـا

[المستحيل الممكن "]

ماقـلـت احـبـك ولا قــد قـلـت ماحـبـك
احـب مالـي عيـونـي وانــت تسـواهـا

لو تدري اش كثر تعني لي تعرف انك
اخــر امــل فــي حيـاتـي واول منـاهـا

ياكثـر احـس ان بـك منـي وبـي منـك
روح قسمهـا علـى شخصيـن مولاهـا

لا تقول وش تحب فيني اعشقك كلـك
من ليـل شعـرك لكلـك واخـر اقصاهـا

سميتـنـي نصـفـك الثـانـي ويـاشـحـك
انــا بسمـيـك كـلــي وانـــت معـنـاهـا

تعـبـت اوديــك لــه يـاقـلـب ويـــردك
لا اخـذ حلـومـي ولا خـلانـي انسـاهـا

كـل الحمـام استـراح ونـاح فـي ظـلـك
والورد الاصفر سقته الروح من ماها

ليتـك بعمـري ثلاثـة اشخـاص ماملّـك
واحد معي دوم وواحد روحـي يملاهـا

والثالـث بجفـن عينـي لا فقـد حـسـك
او غمض الجفـن جانـي فيـك يتباهـى

مـو بـس احبـك انــا والله مــن حـبـك
احب حتـى ثـرى الارض اللـي تطاهـا







لشاعرها : طلال الرشيد