شات لاعضاء المنتدى

[نوني80]

احم احم
هادا كان في عنا أستاذ حاسوب تعين في المدرسة أول السنة
و كان هادا الأستاذ مش ملتزم، و ما بضبط الصف، و بغيب كتير
المهم،،، صارت قصص كتير، و يا دوب بعد شهرين و الا انفصل من المدرسة
طبعاً مدرستنا خاصة، يعني منوقع عقد سنوي
فهادا الأستاذ ما دخلت مخه إنو ينطرد، فرفع قضية على المدرسة
فبما إني معلمة حاسوب، و إحنا بالمدرسة المعلمين مقسمين على غرف كل تخصص بغرفة مع بعض
يعني مقسمين على شكل أقسام،،،، فالأخ بدو شهود فطلب كل معلمين قسم الحاسوب و أنا منهم
كنا 3 معلمات و أستاذين،، رحنا مبارح بباص المدرسة، و زي الشاطرين نزلنا على المحكمة
طبعاً أنا كنت مفكرة زي المسلسلات
بس لا، طلعت إشي أبسط
نادانا القاضي واحد واحد و خلانا نحلف يمين
طبعاً كانت الأسئلة ما إلي دخل فيها،،،، يعني هادا الأستاذ متى تاريخ تعيينه؟ و كم راتبه؟ و و و
يعني كلها أسئلة إدراية ما إلي دخل فيها
فكانت كل إجاباتي: ما بعرف
يمكن ما أخدت الأسئلة 5 دقائق
أنا بتوقع إنو هادا الأستاذ خسر القضية
لما خلصنا،،، محامي الأستاذ قله إنو شو هادا جايب شهود ما بعرفو إشي!!!!

و توتة توتة خلصت الحتوتة