ظلم البشر ..// جديده

[فهد العباري]

السلام عليكم ورحمة الله وبركاته


قصيده جديده علها تنال القبول

متميًزه +نبضة أمل ... أشكركم من كل قلبي على المتابعه


حضرت إرضاء لكم


كما تعرفون قسم الشعر هنا مهجور لكن يشرفني متابعتكم واحرص على إرضائكم

وأرحب بمن يعبر من هنا مع وافر الإحترام







¸,¤°´'`°•.¸o¸.•°´'`°¤,¸
|¯¯¯¯¯¯¯¯¯¯¯•.•¯¯¯¯¯¯¯¯¯¯¯|
«::» ظلم «::» البشر «::»
|___________•.•___________|
*´'`°¤¸¸.•'´o`'•.¸¸¤°´'`*

الهموم إللي جرت وسط العروق
زادها الحظ الردي ضيق وقهر



للحزن في عيني اليمنى بروق
وين ماوجهت أشوفه بالنظر



وعيني اليسرى تطالع للشروق
في سواد الليل عذبها السهر



خذ كلام ٍ وثقـًه عقلي وثوق
قرًب إذنك وإسمعه مني جهر



في ميـ100ــة إنسان ما تلقى صدوق
والشطاره صارت بذم الظهر



لاتقول إن الزمن يبخس حقوق
الظلايم في ضماير هالبشر



و لا تعجب لو بدى صدري زهوق
الدروب الموحله ساس الكدر



ياجروحي وش بقى وسط الخفوق
الصبر وش عاد باقي من صبر



كل طارد لو تفائل باللحوق
ما لحق والمشكله زل الدهر



المغربل للعسل حلمه يذوق
ان رضى فيه النحل شح الزهر



ياوجودي وجد من تل السبوق
طامع ٍ فـ الحوم لكن ماقدر



فالهدد له مخلب ٍ صرم وفتوق
لا سطى يعجبك في فج النحر



انحبس في شبك من جنبه و فوق
من عقب وقت الزعامه والفخر



هذا حال اللي على قلبه حروق
ما تهنى يوم واحد بالشهر



النجاه من الغرق تحتاج طوق
من بعد عون الولي رب البحر



و من يقول إن الزمن يبخس حقوق
و الظلايم كلها عند البشر ...؟

وسلآمتكم



فهد العباري