هل يحق لي ان ارفض تكليف المديرة

[هفا]

ارجوكم ساعدوني ادرس ثالث وثاني ونصابي 16 حصة وعدد الطالبات في بعض الفصول يوصل 40 طالبة يعني منهج جديد ويحتاج اخذ زيادة حصص ومو ملحقة على متابعة الدفاتر وتصحيح الاختبارات جايتنا مديره جديده و بابرد ماعندها مكلفتني بان اكون
1-امينة غرفتين مصادر تعلم طبعا بالاضافه الى معمل الحاسب الي هو اصلا عهدتي
2- مسؤلة عن ريادة فصل
3-نائبه ثانية في حالة غياب الكاتبه
4-ادخال درجات الصف الاول ثانوي في برنامج معارف وما تيسر من الخطابات والجداول
5-معلمة اولى لمعلمات قسم الحاسب
هذا بالاضافة طبعا لحالة الاستنفار يطلعوني حتى من حصصي اذا وقف النت ولا الشبكة ولا ماعرفو يشبكون الداتا شو ولاينسخون سي دي
مادري هي زيادة ثقه ولا هي تحسب ان الحاسب مادة نشاط ولا مثل الفني والتفصيل عدد الطالبات مايتعدى عشر طالبات ولا هي بتثبت نفسها على حسابي واضح ان معلوماتها عن معلمة الحاسب قديمة حت انها تقولي انتو تخلصون اختباراتكم قبل باقي المواد عشان كذا بتكنون مسؤلين عن ادخال الدرجات في فترة الاختبارات
ويوم كلمتها ان هاذي اعباء فوق طاقتي وانها كثيره ماعطتني وجه وقالت لاانتي قدها وتقدرين ويوم اصريت قالت لاتخليني اخذ فكرة عنك تهدد
ساعدوني وش الحل كيف ممكن ارفض بدون ما تاخذ الحبيبه فكره -مافي تعميم ولا اي شي في صفي- ارجوكم اقترحوعلي
سامحوني على الاطاله لكن من الي فيني افر فر الويل والكل يحسب ان ماعندي شي مالقيت غيركم احد يفهمني افضفض له