انا لو مت ما ودي اموت الا على ايدينك - منتديات حاسبكو المتخصصة بمادة الحاسب الآلي

نبضة أمل · 06-12-2008, 12:53 PM

من اللي غيـّرك فجاءه .. علي من بـدّلك يا فلان

.................................... أنا ودّي أعرف اللي عشانه طحـت من عـينـك

أنـا ودّي أعـرف اللي بعـينـك حـطــّـني خــوّان

..................................... وقال إنـّي على الحـبليـن ألعـب في مـوازينـك

تـرى مابه أحـد كامـل وربـّي ما عـصم إنسـان

...................................... عن الزلـّـه.. وأنا مثلك بـشـر مخـلـوق من طـيـنـك

عـذول ٍ جـاك من حقـده وغـيـّر كـل مـاقـد كـان

...................................... مصيـر الوقـت يـثـبـت لك من اللي خـان ويـديـنـك

يـجـي لك يـوم والخـافـي بعـد مـدّه لـزوم يـبـان

....................................... لزوم الحـق لك يـظهـر ويـفـرج عن مساجـيـنـك

أنـا مظـلـوم صـدّقـنـي ورب البـيــت والـقـرآن

....................................... أنا مظلوم وأنت اللي ظلمـت وخـاب تـخمـيـنـك

ظـلمت إنسـان لك دايم شفوق ٍ عاشق ٍ ولهـان

........................................ ظلمت اللي غـدت نفسـه رخيصـه في مياديـنـك

سمعت اللي وشى فيني وجاك بغلطـتي فرحان

........................................ من الماضي لقى غلطـه تعـارض مع قوانـيـنـك

كذا من دون ما تـطـلب على ما قيـل لك بـرهان

........................................ رخصـت إنسان ما باعك ودسـته تحت رجـلـيـنـك

نـسيت الشـوق والغـيـره وعـشق ٍ يـجمع الخلاّن

......................................... نسيت الماضي الحافـل ومـات بـدفـتـر سنينـك

بـعد ما هانـت العشـره وش اللي قـد بـقى ما هان

......................................... عسى من غيـّرك يآخـذ قضاي ويـرجع يهـيـنـك

مدامي طحـت من عيـنـك وجازيت الوفـا نكران

......................................... أبـنسـى كـل ما قـد كـان يجـمـع بـيني وبـينـك

أبنسى عشـرتك وأقسى على قلبي بعد ما لان

......................................... وأعلــّم نفـسي القسوه مثل ما عايـشت لينــك

خـلاص اللي مضى ولـّى وتاه بـعالم النـسيان

......................................... عسى ربّي يـعـين اللي نـوى يـنساك ويعـيـنـــك

أبي ترحل عن دروبي ولا لك في حياتي شان

......................................... هذاك أول عليك أشفـق وأقـول إشتقت لك وينك

هذاك أول إذا شـفـتـك حزين وخاطرك زعلان

.......................................... أقـول شـ فـيك من لأجـله كـذا عاقـد حجاجـينـك

عسى ماشر عسى ماني بحـقـك كنت أنا غلطان

.......................................... تـرى مابـي من الدنيــا سوى فـيـّة بسـاتيـنــك

هـذاك أول غـرامك كان ساكن داخـل الوجـدان

........................................... وعـشقي كان هو دم ٍ جـرى داخـل شـرايـيـنـك

ولكن بعـد هـاللحظـه على ما فات أنـا نـدمـان

........................................... ولا لك باقـي ٍ عندي سوى جرحـك وسكينـك

جزى المعروف بالمعروف.. والإحسان بالإحسان

............................................ وأنـا لو مـتّ ما ودّي أمـوت إلا عـلى يـديـنـك