إن جا خبر موتى وبإنى تكفنت000

[00غرام00]

:: ان جا خبر موتي وبإني تكفنت ما بي يهل الدمع منه جهاله ::

:::::: :::::::

من كثر ما حسيت بالمـوت ايقنـت
موتي قريب .. وموتتي لا محالـه..
وهذي وصاتـي وانـا بالله آمنـت
والموت حـق الله وحنـا حلالـه ..
فكرت فـي عمـري ومنـه تبينـت
اللي مضى اكثر من اللـي بقالـه ..
وصيتي يصبـر إلـى مـن تكفنـت
مابي يهل الدمـع منـه جهالـه ..
اطهر وأغلى من له الحـب اعلنـت
حلفت ماخونه ولا اعشـق بدالـه..
يذكر انا مـن غيرتـه كـم تجننـت
كم كنت امووت بغيرته وب هباله !!!
دايم معـه فـي شدتـه ماتهاونـت
وما احط راسي ليـن يرتـاح بالـه
خلـدت ذكـره بالقصايـد ودونـت
ربطت حبـه بالشعـر والجزالـه !!
اتذكر انـي قلتهـا لـه انـا انـت
قلبي وقلبـه يبعـدون؟ استحالـه..
يا ما خذاني الطيش عنـه وهونـت
ازعل وارجع لا لمحـت إتصالـه..
لو غابت البحه..وصوتـي ولابنـت
ادري بانـي مـا أفـارق خيالـه..
أنا وطـن عمـره بقلبـه توطنـت
ارتاح في قربه واعشـق وصالـه..
مو بس حبيتـه انـا فيـه ادمنـت
خلوه يذكـر كلمـة ٍ قلتهـا لـه ..
لا تاخـذه دنيـا ولا يشغلـه نــت
الفرض فالمسجد ولوهو لحالـه ..!!
ابي يحب بعـدي وليقـول خونـت
حللت له يعشـق ويحيـا ب فالـه..
يشوفهـا بالزيـن كنـي تزيـنـت
يحبّهـا كنهـا انـا اللـي قبالـه !!
اقدر اموت الحين .. دامي تطمنـت
لكـن امانـه بلغـوه الرسـالـه..
ان جا خبر موتـي وبإنـي تكفنـت
مابي يهل الدمع منـه جهالـه ..!!



:::::::: ::::::::


للشاعره العنود بنت ناصر ( بذرة غلا