فرحتك با لعيد ؟

[المستحيل الممكن "]

مثل ذيك السنه واكثر انادي والندى مايفيد
بقلبي شوق لو حسيت به يقلب موازينك


اردد عيدك مبارك عسى كل عام وانت سعيد
وقلبي يرتجي وصلك ياغالي وفاقد زينك

جبيبي هالزمن يضحك على جرحي وانت بعيييييييد
وجيت من الشتات اسأل بعد جرح الزمن وينك

انا ماجا على بالي غيابك انت بالتحديد
عنادك ليه ضيعني وقف مابيني وبينك

لك الله كل مااضحك الاحظ هالجروح اتزيد
تصدق ضحكتي صعبه علي وسهله بيدينك

اقول ان الامل باكر يجي بكره بجرح جديد
ورغم كل السنين اللي مضت لي (تكرم سنينك )

انا ماجيت ابي منك بعد جرحك تفك القيد
ابيك تحس في قلب رفض ينساك ويدينك

اذا يرضيك تستقبل بدوني فرحتك بالعيد
وش اسوي بقلب متعود يشوف العيد في عينك ؟؟؟؟؟

اذا عادي الزمن يضحك على جرحي وانت بعيد
على هذا البرود اللي تعيشه ( الله يعينك )