[دندونه66]

السلام عليكم ورحمة الله وبركاته

في البدايه احب اشكركم على مجهودكم الرائع
بصراحه انا كمعلمة حاسب مره اولى تدريس استفدت اشيااااء كثيره
وخصوصا لان انا ماسبق لي التدريس ولا اخدت تربوي
بس بصراحه اكثر شي تعبني هو دفتر التحضير
عقدتني الموجهه في دفتر التحضير هيا والمشرفه مو عاجبهم ولاتحضير
جربت تحضير فواز الحربي طلع توزيع المنهج مختلف وكمان الدروس داخله في بعضها
واصلا ماعجب المشرفه تقولي مو تمام عشان مافيه مهارات التفكير
وانا والله ياجماعه حاولت بكل الطرق اني احضر بنفسي ماعرفت

مع ان الطالبات بيفهموا وبيطبقو كل الدروس وكمان درجاتهم كانت في الاختبار رووووعه
لكن دفتر التحضير واقفلي في حلقي

طلبتكم احتاج لتحضير كااااااااااااااااااامل للمرحله الثانويه فصل دراسي اول
قبل ماتنتهي الاجازه
وان شاء الله اني حاادعي لاللي يسعادني
ماتفرق معايا كان التحضير بالعرض بالطول باي شي المهم يكون تمام
حتى التنسيق مو مهم
تخيلو اني الين دحين غيرت دفتر التحضير اكتر من 3 مرات
باحاول اني لمن اوريه للمشرفه وللموجهه بعد الاجازه يكون كامل

الله يجزاكم خير لاتردوني
والله مالقيت زي منتداكم فيه كل شي يخص مادة الحاسب
ولكم جزيل الشكر

دمتم في حفظ الرحمن