[رزان *]

اول مشاركاتي

طالبك خذ قلبي معك لاتخليه
أخذه ترى ماعاد لي فيه حاجه..

لاصرت عني مبعد ويش أبي فيه
خله معك مادام صعب انتواجه..

أول خفوقي صوتك العذب يحييه
واليوم ماحصلت غير انزعاجه..

نوره طفى من عقب ماكنت مضويه
عقبك خفوقي بات مطفي سراجه..

مالي مزاج أحب غيرك وأحاكيه
حتى لو أني كنت داخل مزاجه..

غلاك مهما كان ماني بناسيه
منساه لو غيرك ضحك لي حجاجه..

أنت بحياتي وين مارحت ألاقيه
ألقاك في حزن العمر وابتهاجه..

أموت في جرحك وأحبه واداريه
وخايفه مع الأيام ألقى علاجه..

كن النظر من يوم ماغبت معميه
احرجت قلبي وأنت سبة احراجه..

كمل جميلك طالبك لاتخليه
أخذه ترى ماعاد لي فيه حاجه..