[أوركيد]

أنا تقريبا مشكلتي مقاربة لمشكلة الأخت "فتات سكر" لكن بزيادة راح أذكر مشاكل معملي واتمنى تتحملوني:
*(تثبيت الطابعات وسيديات المعلمة والطالبة)جهاز المعلمة ما ثبت عليه أي طابعة والمدرسة ما فيها أي سي دي لطابعة المعمل بحثت عند المديرة وعند مسؤولة المعارف عن السيديات مالقيت أي شي.
*(الكهربا) أجهزة معملي ما اشتغل منها إلا أثنين وجهاز المعلمة قلت للصيانة قالوا جربي الأجهزة الثانية
يمكن المشكلة من الكهربا جربت وصدق صار العطل من الكهربا واتضح لي ان الأجهزة تمام التمام
وقليلة الإستعمال مع أن نوع الأجهزة قديم والأفياش القريبة من جهاز المعلمة سليمة ، قلت خلاص
أنقل بعض الأجهزة عندها لكن خفت مايتحمل الكهربا ويصير ضغط وطلبنا يصلحوه لكن زي ماتعرفون
يومهم بسنه واليوم اللي طلعوا فيه للمدرسه نست المستخدمة تفتح المعمل لهم (سبحان الله مقدر)
وعصبوا علينا واظاهر انهم عناد لنا ماراح يجون إلا نهاية السنة!!(على كلام المديرة اللي عصبت بعد علي)

*المشكلة الثالثة (الشبكة)إذا عرضت على اجهزة الطالبات بالشبكه تصير الصورة عندهم مكبرة بزيادة يعني ماتظهر كل الشاشة ولازم أحرك الماوس عندي على الجهة اللي ابغاها تظهر ،وايضا بطء العرض على أجهزة الطالبات.
*المشكلة الرابعة (الخصوصية)هي مشكلة غير فنية ولكنها مشكلة خصوصية المعمل، بما أني متعينة جديده في هالقرية، والمعمل ما استعمل إلا من سنوات قليلة على الرغم من قدم تجهيز المعمل ، لذلك صاير فيه فوضى :
كراسي المعمل مصرفينها على بعض المدرسات وعلى غرفة الإداريات مافيه إلا كرسي واحد في المعمل سليم والباقي
اللي متكسر ظهره واللي منكسره رجله واللي منكسر كله !! يعني المعمل رايح فيها وعلى قول اختنا "روح الياسمين"
"وأزيدك من المعمل مشكلة" ، حاطين معي في المعمل مكتب المرشدة ودولابها "أصلا من كبر هالمعمل"(لكن ماقلت شي رحمت المرشدة لأنها حبوبه).

لا ..ولحظه فيه مشكله ثانية ، زيادة أنه ما لي مكتب زي باقي المدرسات في غرفتهم ، تقولي المديرة "ترا ماراح تتهنين كثير في مكتبك(اللي في المعمل) لأن مسؤولة معارف بتجي وتجيب حاسبها ترصد الدرجات
(وقت الختبارات الشهرية والنهائية) في معمل الحاسب(زي ماتعودوا كل سنه)، بس لحظه شف الرد لما سألتها لييش؟ ........
....قالت لي عشان مايصير زحمة عليها في غرفة الإداريات ؟؟؟؟!!!!
....يعني ألحين يصير زحمه عليها وانا أجلس بدون مكتب والله شييي !!!!
خلاص ترا ما أقدر اكمل جتني الصيحة .............بس ياليت مشكورين تلاقون لي حلللل.....