[نوني80]

السلام عليكم أختي هنادي،،،،
سأخبرك بالتفصيل أنا ماذا أفعل بحصصي عل و عسى أن تستفيدي،،،،
الحلو عندك إنك تدرسي بنات أما أنا أولاد و بنات، طبعاً هاي ميزة حلوة كتير إلك. أنا الأولاد يعملولي مشكلة كبيرة.

سأبدأ بالصف Kg1: طبعاً هؤلاء في البداية لا يستطيعوا استخدام الماوس، بدك تتحمليهم، أنا أدربهم على برنامج الرسام طوال العام، في البداية أخليهم يخربشوا حتى يقدروا يسيطروا على الماوس و بعدين أنا أرسم لكل واحد رسمة و هو يلونها، بالعادة أرسم بيت و همة كتير بنبسطوا عليه، و بعدين كل حصة أرسم لهم رسمة و مع الوقت يصيروا همة يحاولوا يرسموا، يمكن ينتهي العام و ما يطلع معهم إشي، مش مشكلة المهم إنهم يحبوا الكمبيوتر، دلليهم كتير و أعطيهم ستكرز و نجوم، أعطي الكل لأنهم يغاروا من بعض. يمكن أنا الميزة إنه معلمتهم تبقى معي و تساعدني، بس عادي إنت أكيد تقدري. أنا عشان ما يملوا بين فترة و فترة أجيب CD تعليمي على جهاز واحد و الكل يحضره، و أصير أسألهم أسئلة، حيحبوا السيديات كتير، السيديات أشتريها على حسابي بس مش مشكلة المهم إنه الطلاب ينبسطوا.