[همسات]

نوره جبت لك وصفه حلوه غير البطاطا


تفضلي:


صينية التوست بالدجاج

المقادير:
كيس توست.. نص دجاجة..بصلة مفرومة متوسطة..فليفلة خضرا متوسطة مقطعة لشرائح طويلة ضعيفة..جزرتين كبار مبشورين
((كمية الجزر والفلفل الاخضر لازم يتساوون))..علبة كبيرة مشروم شرايح..
مكعب مرقة الخضار من ماجي..
الصلصة:
علبة كريمة حمرا كي دي دي.. قفشتين كبار جبن قلاص ((كرافت أو كيفكم))
وطبعا جبن موزاريلا للوجه..

الطريقة:
# نزيل الطبقة الصلبة من التوست.. ((اللي لونها بني))..
ونفتت التوست بطريقة طويلة ومتوسطة ومرتبة..


نسلق الدجاجة ببهاراتها المعتادة.. بعدها نفتتها مثل الشاورما..
نحمس البصل بشوية زيت.. ونحط عليه الدجاج ونحمسه بعدها نحط الفلفل الاخضر
بعده نحط الجزر ونحمس وبعده نحط المشروم واحمس ياعم وبعدها نتبله بالفلفل والملح
واذا حبيتوا مكعب مرقة الخضار من ماجي واحمس..واذا حسيتي انه يبي زيت
زيدي شوية زيت زيتون واحمس.. غطيه شوي علشان يطلع الماي وياخذ النكهة

اخرتها شيلي الجدر من النار.. وحطي التوست المنتف
واخلطي عدل عدل.. بعدها رصي المزيج بصينية بايركس

اخلطي علبة الكريما الحمرة مع قفشتين جبن قلاص بالخلاط.. وصبي الصلصة
فوق الصينية ورشي فوقهم جبنة الموزاريلا..

ودخليها بالفرن المتوسط الحرارة.. الى ان تغلي الصلصة وتبقبق
بعدها شبي النار اللي فوق.. علشان يتحمر الجبن..

وصحتيــــــــــــن..