مشاركة: .. كرسي الأعتراف .. الكل يدخل ويعترف ..
عندي اعترافات كثيرة ومدري من وين ابدأ وبأيها ابدأ .
ونا صغير كنت احس اني فوق الذكي يعني عبقري بس بعد ماكبرت اكتشفت اني منيب ذكي .
هذا تمهيد للإعترافات الجاية :
1- مرة ( بيني وبينكم مرات ) كنت في السيارة ومعي زوجتي بوصلها لبيت اهلها المرة طق حنك وانا مركز بالطريق خبركم الرياض فاضي ولافيه زحمة وانا مدري وش تقول كل اللي اقوله ايه ايه اممممممم شوي إلا وذاك الصوت المرتفع : وشف فيـــــــــــــــــك . أثرها المدام قفشتني تقول ابي الصيدلية وقف وقف وانا اقول ايه ايه اللين عديت الصيدلية .
2- سنين في شارع رئيسي جنب بيتنا سبحان الله العظيم في آخره اشارة دايم اوقف عندها واتمقل وابقق عيوني زين على اليمين محطة وعلى اليسار صيدلية وبقالة وفوال ومخبز وبنشر سيارات وكل يوم على هالحالة نفس الوضع وفجأة عند نفس الإشارة التفت يسار ورفعت راسي فوق الصيدلية وشفت لوحة معهد للكمبيوتر عرضها 10 متر وطولها مترين , قلت في نفسي ماشاء الله هالمعهد جديد ومن بكرة وانا اسولف مع زميلي بالمدرسة كلمته عن المعهد الجديد وقال لي : هيه وينك عايش فيه عالمعهد مفتوح من سنين !!!!!!!!!!!!!!!!
3- الاعتراف الأخير : خريطة الشوارع مسروقة مني لايمكن اوصف لحد مكان معين
بالعكس اللي يجي من برا الرياض ويجلس فترة بسيطة يكون مرجعي ودلي اسألة وين المحل الفلاني ووين المكان الفلاني , والشي اللي ماروح له باستمرار وانقطع عنه فترة اشهر انساه .
|