[نبضة أمل]

جتني وقالت خذ بقايا هداياك
وهاك الرسايل وأعتبرها نهايه



وخل ذكرياتي والصور دوم وياك
مابيك تنساني وتنسى هوايه



وأستر على ماشفت مني وماجاك
وعساك تذكر ذكرياتك معايه



قلت أسمعي قالت عسى الله يرعاك
ماعاد ينفع ياحبيبي كفايه



صاح الضمير وقال يالزين وش جاك
ودي أعرف اليوم شنهو خطايه



ودي أعرف اللي حصل لاعدمناك
شاللي حصل بالضبط شنهي الحكايه



قالت (خطبني) شخص مثلك وشرواك
وأبوي ملكه وحطم منايه



قالت وهي تبكي ترى الكل يفداااك
لكن ظروف الوقت زادت شقايه



غصب علي اليوم أوادعك وأجفاااك
مجبوره يا قلبي أفض الروايه



لاتعتقد في يوم أنا بقدر أنساااك
أنت الوحيد اللي له القلب غايه



والقلب صابه وقتها ألف دكاك
والهم أعلن في حياااتي البدايه



تقبلوا تحياتي .... نبضة أمل