[دنيا الأمل]

.. فتونه يسلمو يا حلوه على التحديد ( شعورك شعور متبادل )

.. بما انك طلبتي رائي راح اقوله لك بصراحه ..

.. الموديل مره ناعم وهادي وما يناسب المناسبه الي تقولي عنها انها كبيره ..

.. وانتبهي يا حلوه لنقطه مهمه اذا كنتي من اصحاب الوزن الخفيف ( يعني رشيقه ) لا تفصلي اسود لانه ينحف زياده ويبي كمان وحده تكون طويله ..

.. كلام صالحه صحيح لا تفصلي عاري وقولتك انك راح تعدلي فيه لا يمكن لانه اساس الموديل كونه عاري يعني اذا سترتيه من فوق او فصلتي فوقه شال ما فاد تغطى الموديل ..

.. راعي يا حلوه ما يناسب جسمك بغض النضر عن الموضه .. لانه اذا كان الموديل مناسب جسمك ومبين تفاصيله راح يكون حلو وماراح ينتبه احد اذا كان موديله قديم ( حطي ببالك رضاء الناس غايه لا تدرك ) يعني ماراح تستفيدي شيء تفصلي على الموضه وما ناسب جسمك والنقد ما سلمتي منه يعني خساير فلوس من غير فايده ..

.. قبل سنتين تقريبا فصلت فستان عند مشغل شروق الشمس بالاندلس بالرياض ( المشغل هذا مره روعه ) رحت له وما كان ببالي شيء معين وجلست مع المصممه وصممت لي فستان يناسب جسمي .. جمعت كذا فكره بموديل واحد وما كانت افكار جديده لكن طلع رووووووعه مره .. والكل انبهر فيه وما كان غالي مره كلف 3000 الاف وسعره فيه صراحه ..

.. انصحك يا حلوه تروحي له وتجربي اذا كنتي تقدري .. اذا فصلتي راح تكوني لك موديل غريب وغير متوفر بالسوق .. يعني مثل موديلك هاذا بسهوله تحصلي نفس موديله أو مقارب له بالسوق وخاصه بمجمع غرناطه بالرياض وتلاقي سعره غالي وهو بسيط .. انا اشوف بما اني دافعه دافعه اروح لمشغل واصمم شيء خاص بي افضل ..

( لاخلاء المسؤولية . المشغل الي قلت لك عنه ما زرته مره ثانيه يمكن تغير .. اسئلي قبل عن المشاغل كلها وحاولي تبعدي قدر الامكان عن المشاغل المعروفه بالعائله .. علشان تضمني التميز )

.. عارفه كثرت الكلام .. قصه حياة هاذي ما هي مشوره ( علشان تحرمي تطلبي مشوره مره ثانيه هههههههههههه )

.. اتمنى اني قدرت افيدك ..