منتديات حاسبكو المتخصصة بمادة الحاسب الآلي - (نور عيني) مجاراه لأغينة الفنان الكبير راشد الماجد

السلام عليكم ورحمة الله وبركاته

نعود لكم مرة ً اخرى لمصافحة قلوبكم بقصيده قريبه على القلب

مناسبتها // بعد ماسمعت اغنية الفنان راشد المآجد في اول نزول لها (نور عيني)

جادت القريحه بهذي الابيات مجاراه لها

لكم خآلص ودي واحترامي

http://www.saaup.com//uploads/thumbs...b75261edfc.jpg

هاجسي ياهاجسي بحرك وسيـع
. . . حدد الوجهه ولاتنسى الشـراع

آمر آمر والمعانـي لـك تطيـع
. . . لا امـر ربـان مركبنـا يطـاع

الشعر مثل البحر مـده سريـع
. . . مثل مآ كون المشآعـر فإتسـآع

ونور شعري كالذهب يلمع لميـع
. . . له سطوع ٍ كالمرآيـه والشعـاع

الجفا مثل الشتآ موجـة صقيـع
. . . والقهر فالحب هـي لحظـة وداع

الغلا فالود هـو أكبـر شفيـع
. . . والصراحه تخنق ادروب الضيـاع

الوفا ثدي الهوى وشوقي رضيـع
. . . لاتحاول تفطمـه دون الرضـاع

إحضنه إن كان تقـدر تستطيـع
. . . في حنان الصدر من بين الـذراع

وشف جبآل الثلج في وصلك تميع
. . . مثل حضنك فيه أحس القلب مآع

يآغرآمي كوكب إحسآسك بديع
. . . مآخلق شكله على كل البقـآع

سآفري لو السفر شـي ٍ مريـع
. . . سآفري لو كآن دمعي فإندفـآع

إن رجعتي أصبحت أرضي ربيـع
. . . وإن بعدتي ضاقت افجوج الوساع

إسمعي راشد بهالصوت الفضيـع
. . . اغنيه عذبه تبي منـك إستمـاع

(( حبنا يانـور عينـي لايضيـع
. . . إحفظه حتى يلمبنـا إجتمـاع ))

ردديهـا ليـن نتلاقـى جمـيـع
. . . لين تشبع هالأحاسيـس الجيـاع

يآحيآتي والله إن قـدرك رفيـع
. . . عآشقك يرضيك قدر المستطـاع

وسلآمتكم

جميع مااكتبه من بوح قلمي .. لا أسمح بالنقل دون ذكر اسمي