منتديات حاسبكو المتخصصة بمادة الحاسب الآلي - ,,بشــــــــروه بأرحــــــــل ,,

- خواطر ونصوص الشعر و الأدب العربي (http://www.7asabco.org/forumdisplay.php?f=50)

- - ,,بشــــــــروه بأرحــــــــل ,, (http://www.7asabco.org/showthread.php?t=4523)

,,بشــــــــروه بأرحــــــــل ,,

(بشروه اني ابرحل)

بشروه إني أبرحل مـن حياتـه
بشروه وفرحـوا فينـي ذويـه

كفنوا جسمي بماضـي ذكرياتـه
ادفنونـي فالمكـان اللـي يبيـه

اطلبو منّـه إذا خلّـص صلاتـه
فوق لحدي يحمله براحـة يديـه

و لي وصل قبري وحقق له مناته
يدفن انسانة تحبه تمـوت فيـه

علموه إني وربـي مـن غلاتـه
أعشق ترابٍ مشت رجله عليـه

حلفـوه يشـد ويقـوي ثباتـه
لا ينزّل دمع يجرح لـه عينيـه

باكر بيندم ويصحى من سباتـه
يحتضن قبري ويبكـي يرتجيـه

يعتذر عن جرحه وظالم سواتـه
معترف بالذنب لكـن بعـد ايـه

مايفيد الصوت دام الفوت فاتـه
من خذاه الموت وش له يحتريه

الزمن غـادر وتطحَنـا رَحاتـه
ماصفا حاله على الدايـم جذيـه

يستوي ويقوم ويلملـم شتاتـه
يبقى شامخ جلد صبـار ونزيـه

طمنوه انـي مسامحتـه لذاتـه
بشـروه.. الله يرضالـي عليـه

وادفنوه بجنبي ان حانت وفاتـه
جنب انسانة وربي تمـوت فيـه