هذه مقابله صحفيه بين صحفي محشش ومحشش عبيط

صخره طاحت من فوق عماره ولوح القزاز الي تحت ما انكسر ليه؟؟
لأن الصخره ما طاحت على القزاز.

طيب دجاجه تعبر الشارع ماتت فجأة ليه؟؟
لأن الصخره طاحت عليها.

ليه واحد حاط جنبه كوب شاي وهو نايم ؟؟
لأن الشاي منبه.

طيب ليه حاط جنب كوب الشاهي فنجال قهوة
عشان اذا ما رن الشاهي.

طيب ليه يحط كوب ماء فاضي وكوب ماء مليان؟؟
عشان يمكن يشرب ويمكن ما يشرب .

واحد يحط سكر على الكرسي قبل لا يقعد ,, ليه ؟؟
عشان تكوون القعده حلوووة ,, زي قعدتي الحين

حاجه طايرة بالسما وتقووول مياوووووو ,, وش هي ؟؟
قطوة بيضاء , مضروووبة بالشلووت

طيب حاجه سودا طايرة بالسما وتقوول مياووووو , وش هي ؟
غراب يستهبل.

طيب حاجه زرقا طايره بالسما ,, وش هي ؟؟
ذبانه لابسه بنطلووون جينز أزرق

طيب حاجه سودا وفيها خط أحمر وطايره في السما من الشرق الى الغرب, وش هي ؟؟
ذبانه لابسه فستان وحاطه روج أحمر , ورايحه زواج وحده من صديقاتها .

حاجه ضعيفه وطووويله ولونها أبيض وش هي ؟؟
خيط أبيض

طيب حاجه ضعيفه وطوووويله ولونها أسود وش هي ؟؟
ظل الخيط الابيض

شي يمشي على الارض ويقوول زززززززز وش هو ؟؟
صرصور راكب له دباب

طيب ناس دخلوو شقه عرفوا ان فيها صراصير كيف ؟؟
شافوا الدبابات.

يقووولك الفيل ما يسلم على النمله بإيده ,, ليه ؟؟
لأن النمله تضفط على ايده وتوجعه

طيب كيف نصيد الفيل الاحمر؟؟
نصيده ببندقية الفيل الاحمر

والفيل الاخضر ,, كيف نصيده ؟؟
نستناه الى أن ينضج ونصيده ببندقيه الفيل الاحمر

طيب كيف نصيد الفيل الازرق ؟؟
نسوي له حركه محرجه ,, واذا صار وجه احمر نصيده ببندقيه الفيل الاحمر


كيف نقعد 4 فيله في كامري ؟؟
نركب 2 ورا 2 قدام


طيب ومين الي يسوووق ؟؟
الي معاه رخصه

طيب كيف نركب 8 فيله في سياره شبح ؟؟
نبيع الشبح ,, ونشتري سيارتين كامري ونركب في كل سياره 2 ورا و 2 قدام

وش هي الحاجه الي تطفو على سطح الماء وأول حرف منها ق ؟
قطعة خشبه

طيب وش هي الحاجه الي تطفو على سطح الماء وأول حرف منها ب ؟
برضه قطعة خشبه

طيب وش هي الحاجه الي تطفو على سطح الماء وأول حرف منها ن؟؟
نفس قطعة الخشب

أجل وش هي الحاجه الي تطفو على سطح الماء وأول حرف منها هـ ؟
هي هي نفس قطعة الخشب

طيب وش هي الحاجه الي تطفو على سطح الماء وأول حرف منها ي ؟
يا خي انت ما تفهم , قلت لك قطعة الخشب


ان شاء الله تكون عجبتكم

مع تحياتي