ادمنتك برب ٍ فتنّي بـك ادْمنْـت
وامسيت مجنون ٍ بلحْظات لِقيـاك
يامن على روح ومعاليق هيمنْـت
لجّمْت قلبـي دون ذيّـا وذيّـاك
ملكتني واللي له اذْعنْت وآمنْـت
ماغير اهذري كيف وصلك ولقياك
انا العليل اللي شفاي انْت ثمّ انْت
وانا المهام اللي هنـاه بحكايـاك
وانا اشهد انّك من خفوقي تمكّنْت
طلْت اوّله وآخرْه واحْكمْت يمناك
واليوم انا هوّنْت هوّنْـت هوّنْـت
البيض مالي به وجيت اتْبعْ خطاك
جيتك جنون ٍ يـوم بيّـا تفنّنْـت
في ساحر اسلوبك وباهلا وحيّاك
وبْلطْفك الْيا قلت دونك ، وهوّنْت
اضيع والله ثمّ اجـي واترجّـاك
تقول للقلب المشقى لك اذعنْـت
ابشر بقلب ٍ مايبي غيـر لامـاك