ضيقوا صدري وانا صدري مدينه
 

ياسحاب أمطر على صدري همام
ضيقوا صدري وأنا صدري مدينه!

ياجروح ٍ فاقت أوصاف الكلام
ياحروف ٍ في وسط صدري رهينه

يامتاهات الحزن في كل عام
ياضياع ٍ ضيّع العمر وسنينه

كل مابكتب /حزن ارسم غمام
وكل مابرسم/فرح اكتب حزينه

يادموعي ضاقت أنفاسي زحام
ليه صوت القلب ماجاوب حنينه

كل مافيني من الضيقة حطام
ضيقتي موج البحر وآنا السفينه

اكتب همومي وأردد ياحرام
وكل ضلع ٍ جاوب فصدري أنينه

وإن وصلت بشرهتي برج الحمام
عودّت آهي على صدري كنينه

وكل ماضاق الفضا أرجع أنام
خاطري ضايق ألا يالله تعينه

مابقى في وجه ضيقاتِي احترام
ومابقى في خاطري شي ٍ تهينه

قبل أودع ضيقتي مسك الختام
ليه دايم ينكتب اسمي حزينه !!

رد: ضيقوا صدري وانا صدري مدينه
 

وكل ماضاق الفضا أرجع أنام
خاطري ضايق ألا يالله تعينه




كنت اعتقد انا لحالي اهرب للنوم واسمع كلمة متبلده بارده فالتها ولاتهتم
لكن الي بالداخل ماحد يدري عنه الا ربي وشخص واحد الله يجمعني فيه بجنته


مشكوره حبيبتي ع الخاطره لامست احساسي الجامد

رد: ضيقوا صدري وانا صدري مدينه
 

الله يبعد عنك كل ضيق وألم ي بعد حي العرب وأمواتها
جعلني ماافقدك..
اسعدني مرورك حبي..

رد: ضيقوا صدري وانا صدري مدينه
 

الله يسعدك حبيبتي وانشالله ماافقدك
والله مشتاقه لك ولجلستك لااازم اشوفك قريب باذن الله

رد: ضيقوا صدري وانا صدري مدينه
 

ان شاء الله قررريب جدااا..

♡♡♡♡♡♡♡♡

رد: ضيقوا صدري وانا صدري مدينه
 

فعلا ضيقوا صدري وانا صدري مدييييينه

رد: ضيقوا صدري وانا صدري مدينه
 

جعل تضييق صدور من ضايقوووك..

رد: ضيقوا صدري وانا صدري مدينه
 

لا لا لاتدعي عليهم الله يهديهم وبس