ياجارحي ماعندك لجرحي ضمـاد؟=انا الغريم اللـي بحاجـة غريمـه
عرّفتك بنفسي ولا احتـاج نشّـاد=... فرصه وجاتك واعتبرهـا غنيمـه
حاضر بحاضر وصل الهقوه المـاد=ماعـاد لوعـود المقابيـل قيمـه
عامين أجاهد ضيقة الخاطر جهـاد=تكّت وسوّت في خفوقـي جريمـه
حاربتها بدروع وجمـوع وأفـراد=ولليوم من بيـن الحنايـا مقيمـه
ان زدت صبري صبر تقوى وتزداد=واليا تجاهلـت العواقـب وخيمـه
يمكن توردني علـى غيـر ميـراد=وانا رجـل مايعتـرف بالهزيمـه
ماهمني هـمٍ قعـد لـي بمرصـاد=ولا ارضى حياة المهزله والظليمـه
ودي اسوي للفرح عيـد ميـلاد!=واصادق الضحكه صداقه حميمـه ,
واذكي احزاني على روس الاشهاد=من يدرق الاخصام مافيـه شيمـه
حتى تصير قلوب الاعداء لي بـلاد=وادخل متاهـات العيـون بعزيمـه
واصـارع الآلآم و آمالـي جـداد=واطمح طموح اهل النفوس العظيمه
وافرش على درب المعاناه سجـاد=وادق بيبـان الحـيـاه الكريـمـه