حبيبتي مثل البدر \\ عوده بعد غياب ٍ طال

[فهد العباري]

السلام عليكم ورحمة الله وبركاته


اعود لكم بعد غياب تحكمه مشاغل الدنيا


حبيت اصافحكم بآخر ماكتبت من قصائد

مدخل

المشيه اللي كنها ليا ادرجت درج القطا

والخد يومني لمسته احسبه ريش النعام



قال انا استاهل قصيده ..؟ قلت لا والله خطآ

انتي ترى قدرك يساوي المطر وسط الغمام


قالت احبك قلت طيًب لآ تشحيًين العطآ

نظرة عيونك تعتبر رآحة فكر عشرين عام

حبيبتي مثل البدر





يا مالكه حس القصيد بمبتدآه ومنتهاه
. . . ياغيمة ٍ بأرض الشعر ليا أمطرت تنبت زهر


ياغاليه يللي على عرش الغلا زايد غلآه
. . . أشري رضا خاطرك لو كان الرضا سوق العمر


حبك ترى كثر المطر إن كان تقدر عد ماه
. . . وإن كان مايرضي غرورك حاول إتقيس البحر


حبك كثر عد النجوم إللي تعلت في سماه
. . . تقدر تعدلي نجوم الليل من دون القمر



حبك كبر ذاك الجبل طويق كم يملك حصاه
. . . حاول تشوف طويق كم يملك على كبره حجر


حبك روايه نادره تصعب على حفظ الرواه
. . . حبك عذاب لعاشق ٍ بيح خوافيه السهر


شوفي انا سهران في حبك ولو يذبح عناه
. . . أزرع على أوراقي بذور الشوق واسقيها حبر


ينبت غرامك في فؤادي وأحفظه حفظ الوصاه
. . . إللي تذكرها شجاع ٍ عاقبه ميل الدهر


لك ضحكة ٍ ياحلوها إليا تغنًت بالشفاه
. . . إليا ضحكت أقولها لبـيـــــه مافيني صبر


أجمل جميلات العرب والصوت ساحر ياحلاه
. . . اسكر على صوتك لو إني ما عرف طعم الخمر


حبيتي مثل البدر تضوي على كل اتجاه
. . . لكن تواضعها جعلها ساكنه بين البشر


في قربها يرخص كبير القدر وينسى مستواه
. . . لأنها بكل إختصار أغلى ثمن أغلى سعر


حبيبتي ضمن النوادر ما لقيت إلها إشتباه
. . . إلآ نوادر هالجواهر والدرر وسط البحر

مخرج


أوقآت انا مثل المطر و اوقات ماحولي مطر

مره ربيع ومرة ٍ قلبي تشبع بالجفاف


ماشفت انا احد ٍ وفي إلا حروفك يالشعر

تعبت اصدق هالزمن واشوف خلق الله نظآف

جميع مااكتبه من بوح قلمي وحقوقه محفوظه


لأهل الأمآنه الأدبيه
لا اسمح بالنقل دون ذكر اسمي

[متميزه]

حبيتي مثل البدر تضوي على كل اتجاه
. . . لكن تواضعها جعلها ساكنه بين البشر

شاعرنا .. العود أحمدُ

[فهد العباري]

المشاركة الأصلية كتبت بواسطة متميزه

حبيتي مثل البدر تضوي على كل اتجاه
. . . لكن تواضعها جعلها ساكنه بين البشر

شاعرنا .. العود أحمدُ

متميًزه



شكرآ لك على المرور



ياليت توضحين (شاعرنا العود احمد) لأني مو فاهم عليك




ودي وتقديري

[متميزه]

شاعرنا عاد والعود جميل

مثل يقال(العَودُ أحمَدُ)

[فهد العباري]

شكرآ لك على التوضيح انا فهمتها على جهتين

وقلت استفسر منك

فهمتها على معنى الرجوع

وتحيًرت ان يكون فيه شاعر اسمه احمد له طرق على طرق قصيدتي او فيه تشابه


مشكوره على رحابة صدرك


ودي وتقديري

[دنيا الأمل]

ابدعت شاعرنا


رائعه ومعبره

[فهد العباري]

المشاركة الأصلية كتبت بواسطة دنيا الأمل

ابدعت شاعرنا


رائعه ومعبره

دنيا الأمل


مرحبآ ألف


الرائع حضورك

شكرآ لك على المرور

ودي وتقديري

[رفــال]

قصيده سلسه رائعة بما تحويه من *** بلاغية قمة في الابداع

الى الامام ........لا عدمنا جديدك

[فهد العباري]

المشاركة الأصلية كتبت بواسطة رفــال

قصيده سلسه رائعة بما تحويه من *** بلاغية قمة في الابداع

الى الامام ........لا عدمنا جديدك

رفال



مرحبآ ألف



الرائع حضورك



شكرآ لك الإبدآع تواجدك


ودي وتقديري

[نبضة أمل]

قصااايدك من جد جنان


متااابعه بصمت للأحاسيسك