معلمه حاسب دون معمل

[ريفا]

السلام عليكم ورحمه الله وبركاته

أخواني الافاضل واخواتي الفاضلات

انا معلمه حاسب في قريه ومن مده 3 اسابيع تغير مبنى المدرسه طبعا معمل الحاسب ماجهزوه

وقالو بس اسبوع وبيكون كل شي تمام

ولي الآن 3 اسابيع ولا شفت شي:(

كل مره يقولون اليوم ولا بكره وعلى هالحاله

علما بأن اداره التعليم التابعه للقريه هذي تبعد 90 كيلو عشان كذا عجزانين لا يقطعون هالمشوار كله

والله مليت تأخرت في مناهجي واول لسى ما اختبرو عملي في الطباعه باللمس اما معالجه النصوص مابعد أخذوه

وشكل السنه بتخلص والمعمل ماتركب:mad:

اذا على ثاني وثالث مافي مشكله بس اول حرااااام فيه اختبار ودرجات

و اضطريت اني اشرح الفصل الاخير من كل منهج لانه نظري

والحين خلصت الدروس النطري ومو عارفه ايش اسوي الاسبوع الجاي:o

حتى الموجهه بتحضر لي والمديره بتحضر لي وانا ما اقدر اشرح دروس عمليه بشكل نظري مالها داااااعي صراحه:mad:

وفكرت اجيب اللاب توب بس المدرسه مافيها بروجكتر والايجار بـ200 في اليوم والله حرام وغير كذا ماراح يستفيدون لانهم ماراح يطبقون عملي:(

وش الحــــــــــل؟؟ عطوني آرائكم وحلولكم!!!

:( :( :( :(

[ريفا]

وش دعووووه مافيه ردووووود!!!

:(

افيدوني جزاكم الله خير

[stn555]

هذه مشكلة اغلب المدارس والمفرووض المديرة كل يوم تتصل وتزن على راسهم عشان يعجلون بالموضوع وكثر الدق يفك اللحام ..طبعا هذا المثل فعلا لابد من تطبيقه على بعض الادارات وصدقيني الزن معاهم رااح يجيب نتيجة كبيرة كل يوم اتصال وسؤال عن المعمل فين المعمل ليش تأخر وهكذا ما تصحى الا وهم جايبين المعمل لعندكم والله الموفق


مجرد اقتراح ..ومجرب على فكرة

[ريفا]

هذه مشكلة اغلب المدارس والمفرووض المديرة كل يوم تتصل وتزن على راسهم عشان يعجلون بالموضوع وكثر الدق يفك اللحام ..طبعا هذا المثل فعلا لابد من تطبيقه على بعض الادارات وصدقيني الزن معاهم رااح يجيب نتيجة كبيرة كل يوم اتصال وسؤال عن المعمل فين المعمل ليش تأخر وهكذا ما تصحى الا وهم جايبين المعمل لعندكم والله الموفق


مجرد اقتراح ..ومجرب على فكرة


مشكور أخوي سلطان بس هذا هو الحاصل معي الآن كل يوم والمديره مكلمتهم
وآخرتها يوم الثلاثاء لما جاء للمدرسه قال انا ما اقدر اسوي المعمل لازم فني

وماندري من وين نجيب الفني هذا!!!‍

[stn555]

ربك يسهل ان شاء الله تعالى

بس الفني يقصدون اللي عندهم والا يقصدون انتم تجيبو فني على حساب المدرسة والا كيف يا اخت ريفا

تحياتي لك

[ريفا]

ربك يسهل ان شاء الله تعالى

بس الفني يقصدون اللي عندهم والا يقصدون انتم تجيبو فني على حساب المدرسة والا كيف يا اخت ريفا

تحياتي لك

آآميييييييين يارب

لا يقصدون الفني من عندهم

على العموم جاء الفني أمس وقال ان الكهربائي ركب الاسلاك خطأ وما أقدر اسوي شي بالمعمل:mad:

ومرة ثانيه بنرجع للكهربائي اللي جلس شهر على ماجاء

تعبت والله !!!

:mad: :mad: :mad:

[salma2007]

في طريقة بسيطة تشرحين فيها الدروس العملية اذا ما كان عندك ممعمل ممكن انك تصورين خطوات الدروس العملية على اوراق ثم عن طريق الورق تشرحين هذه الخطوات مثل درس فتح برنامج معالج النصوص ممكن تصورين طريقة فتح البرنامج على ورق ثم تشرح هذه الخطوات امام الطالبات وكذلك خطوات النسخ واللصق سواء من القوائم او من شريط الادوات وهذا يعطي الطالبات فكرة عن شكل الجهاز وخطوات العمل بدل شرح الدروس العملية نظري فقط

[وراك لييل]

هلا اختي ريفا .. لايهمك ولا يضيق صدرك .. انا توني متخرجه السنه اللي راحت وجاني عقد في قرية المهم من اول ماجيت للمدرسة والمعمل رايح فيها الاجهزة مغبرة والشبكة مفصولة وسالت السنه اللي راحت كيف درسوا قالوا نظري كتبت خطابات وارسلتها المهم مافية فايده .. بداية الترم الثاني صلحوة بس وصار عندنا صيانه بالمدرسة وخربت الشبكة مرة ثانية المهم انا الحين شرحت نظري وصايرة اشرح للبنات على جهازي المحمول بس بعدين فكرت وش الفايده اشرح لهم وهم ماراح يطبقون اصلا .. الزبده الحين باقي لي الفصل الاخير من النظري بشرحه لهم وارتاح واختبرهم نظري بس ليش اتعب نفسي والناس مو دارية عني..يعني فية ناس زيك ومتعذبين والله وهاذي اول سنه يعني من البداية صدمه .. والله افكر اترك التدريس :(

[ريفا]

في طريقة بسيطة تشرحين فيها الدروس العملية اذا ما كان عندك ممعمل ممكن انك تصورين خطوات الدروس العملية على اوراق ثم عن طريق الورق تشرحين هذه الخطوات مثل درس فتح برنامج معالج النصوص ممكن تصورين طريقة فتح البرنامج على ورق ثم تشرح هذه الخطوات امام الطالبات وكذلك خطوات النسخ واللصق سواء من القوائم او من شريط الادوات وهذا يعطي الطالبات فكرة عن شكل الجهاز وخطوات العمل بدل شرح الدروس العملية نظري فقط

مو معقول اشرح بالصور!!

احس كأني ابنفخ في قربه منشقه :p

وابتعب حالي على ولا شي

ولما يجي الاختبار العملي حرام اختبرهم وانا بس شرحت على صور:o

خصوصا سنه ثالث والفيجول ماتجي

وحتى معالج النصوص في الهوامش والمسافات البادئه والجداول وغيرها ضروري تكون عملي

مشكوووره اختي الغاليه سلمى على مرورك وردك

الله يفرجها بس

[ريفا]

هلا اختي ريفا .. لايهمك ولا يضيق صدرك .. انا توني متخرجه السنه اللي راحت وجاني عقد في قرية المهم من اول ماجيت للمدرسة والمعمل رايح فيها الاجهزة مغبرة والشبكة مفصولة وسالت السنه اللي راحت كيف درسوا قالوا نظري كتبت خطابات وارسلتها المهم مافية فايده .. بداية الترم الثاني صلحوة بس وصار عندنا صيانه بالمدرسة وخربت الشبكة مرة ثانية المهم انا الحين شرحت نظري وصايرة اشرح للبنات على جهازي المحمول بس بعدين فكرت وش الفايده اشرح لهم وهم ماراح يطبقون اصلا .. الزبده الحين باقي لي الفصل الاخير من النظري بشرحه لهم وارتاح واختبرهم نظري بس ليش اتعب نفسي والناس مو دارية عني..يعني فية ناس زيك ومتعذبين والله وهاذي اول سنه يعني من البداية صدمه .. والله افكر اترك التدريس :(

ههههههه نفس الوضع

انا توني متخرجه والحين عقد في قريه ومثلك افكر اترك التدريس<<اللي يسمعها يقول رسموها وحالفين عليها تدرس:D

بس انا كان معملي تماااام الترم الاول ولما نقلنا هالترم صار كذا

والله خففتي عني شوي
:)
انا اصلا بديت اتعب ومليت وطنشت

انا سويت اللي علي وهم متى ماحسو في بناتهم يجون يسوون لهم المعمل:p

والحين لي 5 اسابيع والى الآن على هالحاله

مشكوووره وراك لييل على المرور

[ريفا]

كملت 7 اسابيع دون معمل بحمدالله:p

[جود الجنوب]

طيب واللي لها ثلاث سنين وهذي الرابعة تدرس حاسب بدون معمل!!!!!!!!!!!!!!!!!!!!!!111

[الوردهـ الحنون]

انا مثل حااااالتس وازفت تخيلي يااختي
درست سنه كاااااامله يعني الفصلين بدون معمل اضطريت اوفر على حسابي بروجكتر
واللــه معاناه في هالقرى و الضحية بعدنا الطالبات مايدرون وش السالفه..:(
ربنا يعين و بس