ايش رايكم بما انكم شرحتو الدروس هل فيه امكانيه ان الطالبات يفهمو الدروس بهالشكل ؟

[دنيا الأمل]

.. تحياتي للجميع ..

.. عادت اليكم دنيا الأمل بمشاكلها .. :D

.. اتمنى تقدمو لي المشورة .. راح اداوم السبت ان شاء الله .. وطبعاً المناهج متوقفه :( .. شايله هم أول ثانوي كثير .. خاص دروس الطباعة باللمس العملي .. فكرت بما ان طالباتي ولا وحده عندها كمبيوتر بالبيت اني اقسم الدروس على اسبوعين .. حصة نظري مع التدريب الأول من العملي .. وبقية الدروس العملية بالأسبوع الثاني .. ( يعني اشرحه نظري ومايحتاج تطبيق البنت الا تدريب واحد لكل صف ) .. وخايفة اظلم البنات بالتقسيم هاذا ..

.. ايش رايكم بما انكم شرحتو الدروس هل فيه امكانيه ان الطالبات يفهمو الدروس بهالشكل ؟؟؟؟؟؟؟؟

.. محتاره وشايله هم كبير .. ياليت تساعدوني .. :(

[بسمة العمر]

والله أقولك حاولي تأخذين حصص فراغ

ثاني ممكن تنزلين برنامج الطباعة أهم شئ ركزي على صف الارتكاز والباقي على شوي شوي بماانك متأخره

وشوله الغياب لاتتكررينه

[دنيا الأمل]

.. مشكوره بسمه على التفاعل .. ( حرام عليك غايبه لسبب والله وراح اداوم السبت والجبس بيدي )

.. حصص الانتظار صعبة لان المدرسة ما تعترف فيها تقدم الحصص دائما ونطلع بدري ( لاننا بقريه ) ..

[فجر2007]

:o شوفي يا نيا الأمل والورد والفرح والسعادة والهنا انشالله:o
ياقلبي والله الطالبات بيطبقوا بالحصة العملي لكن والله ولا طالبة ملتزمة أساساً بتقسيم الأصابع على لوحة المفاتيح
بيلتزموا لما تكوني جنبهم ولما ابعد كل إصبع بيروح مكان ما يبي ,, يعني بصراحة أحس ان الطالبات ما يلتزموا فيه أبد لأنه صعب عليهم توهم مبتدئات ,, يعني لو ما لقيتي حصص عطيهم الطباعة بدروس مدمجة أهم شئ ركزي على شرح أقسام لوحة المفاتيح لأنها تساعدهم ببرنامج معالج النصوص
:confused: :confused: انشالله اني قدرت افيدك يـــا أمـــــــــــــل مـنـتـديـــات حــاســبـــكـــــو:p :p

[دنيا الأمل]

.. مشكوره يا قلبي على كلامك الحلو ..
.. جزاك الله خير ريحتيني .. شكلي راح اطبق كلامك .. وان شاء الله يمشي الوضع معاهم ..

.. الف شكر مرة ثانية .. واللله يسهل عليك ويرزقك الرزق الحلال والرجل الصالح يا صالحة ..:D

[stn555]

الف سلامه وطريقة نافعة وعملية جدا بسبب الظروف الطارئة التي مريتي بها

تحياتي لك

[بسمة العمر]

مع الاخت صالحه حق هذا الباب مامنه سنع يعني يطبقون دقيقة ياأستاذه تعبنا أهم شئ زي ماقالت يعرفون كيف ينزلون سطر
جديد وبدايه السطر وهالحركات لانه كله راح يأخذونه بالوورد ولمن يعرفونه راح يريحونك فيه بس مااحس استفاد إلا اللي سبق استخدمو الكمبيوتر من خبرتهم وهم 3 إلى 1 بالفصل بالكثير

وسعي صدرك والف سلامه عليك وطهور أمزح عليك ...
أنا ضاع علي اسبوعين يوم المؤتمر حق العلاقة بين التعليم ووسائل الاعلام
ويوم اجتماع بالتوجيه
وفيه اسبوع راح اطلع دوره بشهر اربعه يعني لازم اضغطهم شوي


والله يسهل!!!!!!!

[دنيا الأمل]

.. الف شكر استاذ سلطان ..

[مشرفة حاسوب]

اولا : السلام عليكم
بالنسبة لدرس الطباعة باللمس انا من وجهة نظري اعتبره ان من الطبيعي انه لن يتم اتقانه بالدرجة المطلوبة لانه يحتاج الى مداومة ،،،،،،، لكن بالنسبة الى طالبات اول ثانوي من الطبيعي لن يتقنه بالصورة المطلوبة والسبب ان لديهن 19 مادة دراسية لذلك المهم في هذا الدرس هو ان تعرف الطالبة تقسيم لوحة المفاتيح ومواقع الاحرف ويدربها ايضا على معرفة مواقع الاحرف 00
وهذا لكم مني كل المحبة والتقدييييييييييييييير،،،،،،،

[دنيا الأمل]

.. يسلمو بسمة على ردك وتفاعلك ..
.. مشكورة يا حلوة ..