ياللي دفنتوا جثته .. ليه تبكون؟؟؟

[Spears]

ياللـي دفنتـوا جثتـه.. ليـه تبكـون؟
لـولا الحيا..لأقـول : معكـم خذونـي
منه انحرمت وكنت انـا عنـه مسجـون
ما أذكر لمحته .. غيـر مـره بعيونـي
شفته ..وكانـت فرحتـي مالهـا لـون
عجزت لأوصف .. من لمحتـه شجونـي
ياليتني ..كنـت الكفـن يـوم تمشـون
أبقـى معـه بالقبـر ثــم تدفنـونـي



أو ليتني .. من خلفكم كنـت (مجنـون)
أتبع خطاكـم والعـذر هـو : جنونـي
أبكي وراكم .. وأدعي ان كـان تدعـون
ما يكفي انـه عـاش عمـره بدونـي؟؟
تكفون < هاكم عمـري اليـوم تكفـون
برخـص حياتـي دام خابـت ظنونـي
ما فادني صبـري !! ولا فادنـي عـون
ولا فادني دمع(ن) .. حرق لي جفونـي



يا مـا بكيتـه والبكـي يحـرق عيـون
ميت أو انه حـي .. دمعـي بعيونـي!!
العام كـان بفرحتـه.. يعـزف لحـون
واليوم ؛ تحت الأرض .. ماهـو بكونـي
لكن أنا فـي فرحتـه.. كنـت مدفـون
فوق الثرى .. واليـوم موتـه سجونـي
(سميت قلبـي عقـب فرقـاه ملعـون)
هو و الليالي .. عـن هنـاه امنعونـي



ياليتنـي.. ماعشـت لحظـه بهالكـون
و ياليت ربعي .. في سكـات اذبحونـي
وياليتكم .. عـن همّـي اليـوم تـدرون
منه انحرمت > ومن عزاه .. احرمونـي
حتى بوفاته !! يوم أنا طحـت مطعـون
أخفيت طعناتـي .. قبـل لا يفضحونـي
بكيـت!! لكـن .. ماتظاهـرت بالهـون
أبكي وأقـول : المـوت سبـة طعونـي
و إن كان في حبّي أنا ..ماتحسّـون ..؟!
دلوني لقبره .. هناك ..
اتركووووني ..!!

منقووووول

[صايلة]

ياليتني ..كنـت الكفـن يـوم تمشـون
أبقـى معـه بالقبـر ثــم تدفنـونـي0

مشكورة على إنتقاءك الرااااائع0

[Spears]

العفو يالغالية صايلة

وأهلا فيك في منتدانا

[صمتي جرحني]

احسنتي الاختيااار يالغلا
:p تقبلى مروي:p

[stn555]

شكراً على هالمشاركة الجميلة وجزاك الله كل خير

[Spears]

صموووووته هلا فيك يالغلا

[Spears]

العفو استاذ سلطان

الله يجزاك خير وجميع المسلمين

[دفء المشاعر]

الله يعطيك العافيه


يا الغلا

[safanh]

قصيدة مؤثــــــــــــــرة ..
لكن فيها مغالاة حــــزن بشكل ..
اشكرك على الانتقاااء

[البـدر]

قصيدة جميلة لولا المبالغة في الحزن .. وتمني الموت .. ولعن النفس ..

وصدق الله القائل :

(وَالشُّعَرَاء يَتَّبِعُهُمُ الْغَاوُونَ * أَلَمْ تَرَ أَنَّهُمْ فِي كُلِّ وَادٍ يَهِيمُونَ * وَأَنَّهُمْ يَقُولُونَ مَا لَا يَفْعَلُونَ)

ومشكورة أخت Spears على هذه المشاركة

[Spears]

الله يعطيك العافية دفء المشاعر

العفو سفانه

شكرا لإضافاتك استاذ بدر واهلا بك

[على العموم]

يعطيك العافية سبيرز
قصيدة جدا حزينة ومؤثرة

[Spears]

الله يعافيك "على العموم"