طلب مشورة عاجلة

[جمجوم]

السلام عليكم ورحمة الله وبركاته

كيف الحال
حبيت آخذ مشورتكم
في طالبة بصف 3ع جتني تطلب مني أعلمها كيف تسوي إيميل
قلت لها كيف أقول لك ومافي إتصال بالمدرسة بس ماعليك باسوي لك إيميل من عندي وأعطيك اياه بكرة البنت مرة فرحت
يوم رجعت البيت واستشرت قالوا لا تسوي لها إيميل ولا تعلمينها كيف تسويه بكرة البنت تخرب يدعون عليك
والا بعدين امها والا أبوها يخاصموا ويقولوا ليش تسوي لبنتنا إيميل
واليوم الثاني لقيتها مصبحة عند باب غرفة المعلمات تطلب الإيميل
عاد أنا انحرجت ...وتمالكت نفسي وقلت لها إنتي قدامك اختبارات ما أنصحك تنشغلي عنها بالشغلات هذي
وغذا خلصتي من عيوني باعطيك غيميل قده جاهز عندي أبغى أصرفها بس
حسي البنت اتلطمت وزعلت بعد ما عشمتها
والحين إيش السواه ما أبغى أعقد الأمور أكثر لأن شكلها قالت لزميلاتها ويوم ماسويت لها ضحكوا عليها قالوا ماعطتك المعلمة وجه ....واحسها حزت في نفسي
أعلمها اشلون تسوي والا أجيب لها واحد جاهز من عندي وله كلمة مرور أعرفها وأراقبها من خلاله
مع إن الأفضل إني أعلمها كيف تسوي عشان تعتمد على نفسها وبكيفها عاد ...
بسكيف أعلمها وأنا ماعندي إتصال الله يعافيكم ردوا على كل نقطة قلتها رد شافي وربي يجزاكم كل خير

[تماراTMARA]

أختي الكريمة ما دام البنت تدخل نت إذا راح تعرف تسوي إذا مو منك بتعرف من أحد المتواجدين بالنت
والمواضيع بهذا الشأن كثيرة
عليك تنصحينها وتوجهينها وبيني لها الصح من الخطأ وإن الله بيحاسبها على كل صغيرة وكبيرة وكل كلمة ترسلها وتستقبلها
وإذا انتهيتي وحسيتي البنت تفاعلت معك ووعدتك بإنها ما تستخدمه في شيء ما يرضي الله
الأفضل تعلمينها مو تعطينها واحد جاهز
ومي حلوة في حقك إنك تتابعينها من خلال الإيميل خاصة وإنها ما تصير لك
ولا تنسي : ولا تجسسوا
إدعي الله لها بالهداية والصلاح وبين فترة وفترة ذكريها بوعدها لك

[جمجوم]

أختي تمارا شرفني مرورك والله يعطيك العافية
أنا مو قصدي أراقبها عشان أتجسس عليها أنا بس أخاف البنت تنحرف والعياذ بالله وأكون أنا السبب
وفي فرق بين التجسس والمرااااااااااااااااااااااااااااااااااقبة والمتابعة
شكراً مرة أخرى

[جمجوم]

وين أستاذنا الفاضل سلطان
ما أستغني عن رأيك ومشورتك

[ينابيع الغلا]

جمجوم

والله يآ أختي .. مريت بنفس آلطلب ..

وآعتذرت من آلطآلبآت ..

لإنهم يعرفوآ إن آلإيميل .. هو وسيلة آتصآل بآلنت ..

ومو آلكل يستخدمه .. آستخدآم سليم ..

ونصيحتي لك .. لآ تعطينهآ إيميل ..

علميهآ آلطريقة .. وبدون صور منك ..

صحيح هي رآح تعرفه منك ولآ من غيرك ..

بس لآ تتدخلي ببنت آلنآس ..

علميهآ ..وبيني لهآ أولآ آلجآنب آلإيجآبي منه ..

ثم آلجآنب آلسئ ..

وبعدين آنصحيهآ ..

ووعدك لهآ .. لو أخليتي فيه .. مو مشكله ..

خليهآ تزعل .. ولآ تجني عليهآ ..

وممكن تكوني سبب في آنشغآلهآ وأشيآء ثآنيه ..

أنتي بغنى عنهآ ..

والله رفضت لكم بنت .. بعد مآ قلت لهم ..

بشوف لكم آلطريقة .. لإنوآ مو مرفق بآلمنهج ..

ومآ أقدر أشرحه لكم .. ومآ عندي وقت ..

نصيحتي لك صرفيهآ ..

ودمتي بخير

[سلطان العتيبي]

الموضوع برأيي ماخذ أكبر من حجمه ... ودورك كمعلمه أختي النصح والإرشاد .. وكما قالت الأستاذه تمارا سبل الحصول على المعلومه سهل جداً من خلال النت أو غيره ..

ولماذا هذا الحرص الزائد والغير مبرر اختي جمجوم وينابيع ..فالإيميل تقنيه تواصل مثلها مثل الجوال ؟؟ فهل برأيكم أن يستخدم الجوال بشكل سليم والإيميل عكس ذلك ..؟ يعني على كلامك الجوال مايخرب والإيميل يخرب !!!!!!!

أي تقنيه فيها الضار والنافع .. لكن يحتاجون طلابنا إلى النصح والتوجيه وليس للتهرب وتقديم الأعذار فلاتكبري الموضوع فبالنصح والتوجيه إن شاءالله تكووني برأت ذمتك ..

أتمنى كلامي مايزعل ولكن هذا مأردت أن أطرحه

[الحمادي22]

انا من وجهت نضري انك تعطيها شرح في ورقة لكيفية فتح اميل جديد وتوضحي فية ايجابيات استخدام الاميل

طبعا تجدين الشرح في اي منتدي او انتي تسوية علي الوورد وانصحك بفتح اميل لها في اي موقع عربي مثلا مكتوب او غيرة لعدم وجود ماسنجر لذالك

او اعطائها شرح لكيفية فتح اميل في قوقل فهو سهل الاستخدام وعربي
وبكذا تكوني انتي علمتيها شي استفادت منة

او اذا انك ماتبين هالخيارات تعطيها رابط منتدي يوجد بة شرح لكيفية فتح الاميل
ويادار مادخلك شر

[سمو]

عفواً .. أخواتي "

انتم فعلاً اعطيتم الموضوع اكبر من حجمه "

هي حقاً كما ذكر الاستاذ سلطان وسيلة إتصال "

كغيرها من وسائل الاتصال الاخرى "

لها إيجابياتها وسلبياتها "

الشخص وحده هو من يستطيع التحكم بها كيف يشاء "

رأيي " ان لاتبخلي عليها بما لديك في هذا المجال

اجعليها تنشئ بريداً بنفسها وحفزيها ايضاً على ذلك "

عزيزتي // انني بحق لاأرى في طلبها هذا مايستدعي المشوره ابداً "

فهو في نظري طلب عااااااااادي جداً ......

[جمجوم]

شكراً شكراً للجميع
بس والله متخوفة بنات هاليومين لعابات إلا من رحم الله
وعاد أخاف اعلمها الطريقة وتروح تسويلها وتتسمر عند النت وأكون أنا السبب
وترجع أمها تدعي على اللي علمها
لأني أسمع أمهات كثير لما الوحدة تطوللاعلى النت يقولوا الله .................. من علمك
أدعوه مثلاً
ما أدري أنا هذا رأيي تتعلم من غيري أحسن ماتتعلم مني
بس حبيت أشوف في أحد مثلي بالراي