المساعد الشخصي الرقمي

مشاهدة النسخة كاملة : كيف اتصرف ؟؟


دنيا الأمل
01-22-2007, 01:12 AM
.. اخواني واخواتي اعضاء هذا المنتدى ..
.. السلام عليكم ورحمه الله وبركاته ..
.. مثل كل مره مشكله جديده من مشاكلي بالدوام وابي الحل :( ..
.. مشكلتي هالمره غير ..
.. مثل ما تعرفون انا ادرس بقريه بعيده .. وحالياً اقوم بكافه مهام الإدارة على الكمبيوتر من رصد وبريد وتعاميم ....... وغيره ..
.. لما جيت كان وضع المدرسه فوضى شوي .. رتبت الوضع وخصصت جهاز خاص بنظام معارف .. وجهاز خاص للنت والبريد ..
.. المشكلة يا جماعه هالمره مع المديره نفسه ..
.. الأخت المحترمه جايه اليوم ومعها كراتين تتوقعون ليش :confused: :confused: :confused:
.. علشان تأخذ كمبيوتر الإدارة الخاص بالنت .. وبكل بساطه حملته بالسياره وراحت وانا عيوني طايره :eek:
.. لما تكلمت واعترضت .. زأرت بوجهي وقالت .. مالك خص .. اهم شي كميوتر الرصد عندك :confused: وان احتجتي كمبيوتر ثاني عنك الاب توب الخاص بك حللي فلوسه واستخدميه :confused:

.. بالله عليكم كيف تتصرفون لو كنتم مكاني ؟؟؟؟؟؟؟؟؟؟

.. الي ما عنده حل لا ينسأني .. دعوه صادقه في ظهر الغيب ان الله يكتب لي الخير في امري ..

.. اختكم صاحبة المشاكل .. دنيا الأمل .. :(

فهد الشراري
01-22-2007, 12:57 PM
اختي العزيزه دنيا الامل
اسال الله لك كل سعاده وابعدك عن المشاكل
الكمبيوتر هل هو للمديره شخصيا او للمدرسه
إذا كان للمديره ذاتها يعني كمبيوترها الشخصي (جايبته بفلوسها) هذا شي راجع الها ولا حول ولا قوت الا بالله
اما اذا كان للمدرسه فمن باب اولا تذكيرها بأنه ممنوع اخراج عهدة المدرسه خارجها لاي سبب
بصراحه انا محتار من امرك جدا لاكن عليك الدعاء (حسبي الله ونعم الوكيل)
والله يعينك ويكفيك شر المشاكل

عزي
01-22-2007, 04:07 PM
اختي الغاليه دنيا
وفقك الله

الله يهون عليك .....
ام بالنسبه للجهاز .....مادام المديره اللي اخذته .... مالك اي ذنب اذا حصل تقصير في العمل وانت سوي اللي عليك بالرصد
وغيرها من اعمال تتطلب الجهاز الاخر ذكريها بانك محتاجه الجهاز .
وبين لها فوائد عمل كل جهاز , وانك محتاجه الجهاز الثاني ...

وفقك الله وسدد خطاك

stn555
01-22-2007, 06:23 PM
اختي دنيا الامل الكلام اللي قالوه الشباب صحيح واتأكدي من هذا الشيء

والله يكون في عونك ويسهل دروبك ويبعد عنك الشر واهله

تحياتي لك

دنيا الأمل
01-22-2007, 09:49 PM
.. اخ فهد .. شاكرة لك التفاعل والدعاء ..
.. الجهاز خاص بالإدارة و إلا كان ما تكلمت من الأساس ..

.. اخ عزي .. شكراً على التفاعل واقتراحك السليم ..
لكن المشكلة ان كثير من الفايلات الموجودة في الجهاز احتاجها وخاصه المتعلق بالتعاميم .. ( الله يعين )

.. اخ سلطان .. شكراً على التفاعل .. وجزاك الله الف خير على الدعاء ..

.. جزاكم الله خير .. وكتب لكم الخير .. وابعدكم عن المشاكل

stn555
01-22-2007, 11:03 PM
مادام الجهاز خاص بالادارة والاعمال الإدارية فلا يحق لها اخراجه من المدرسة وتقدري بخاطبي الادارة بهذا الشيء وتشرحين فيه ان اعمال الرصد سوف تتوقف لعدم توفر جهاز بالمدرسة ويعود السبب لمديرة المدرسة وعدم حرصها على ذلك بالدرجة الاولى واخراجها الجهاز خارج المدرسة بدون وجه حق حيث ان هذا الجهاز ملك خاص للاعمال الادارية بحيث تستفيد منه الادارة داخل نطاق المدرسة وليس خارجها

هذا والله اعلم

دنيا الأمل
01-22-2007, 11:23 PM
.. شكراً استاذ سلطان على تفاعلك ..
.. فكرت اتصرف هذا التصرف .. لكن .. خفت بصراحة ..
.. خايفه هالشيء يأثر على إدائي الوظيفي خاصة انه بيد المديرة وبالتالي يأثر على النقل .. وانا بصراحة اتمنى اليوم الي ارتاح فيه من هالقريه ومشاكلها ..( الله يعين ):(

stn555
01-22-2007, 11:40 PM
ما دام كذا التزمي الصمت لكي لا تؤثري وتضري نفسك لان بعض البشر ما يقدر ابدا ظروف الناس والنقل ووووو


اعانك الله وكتب الله لك النقل عاجلا غير اجلا يا رب

تحياتي لك

دنيا الأمل
01-23-2007, 12:21 AM
مشكور استاذ سلطان على تفاعلك ودعائك ..
.. جزاك الله الف خير ..

تماراTMARA
01-24-2007, 07:19 AM
الله يعينك ويوفقك يا دنيا
بصراحة مديرات ما منهم فايدة
تطلب وتتأمر وإحنا ننفذ بس
لما كنت في قرية كنت أشيل الجهاز الخاص بمعارف وأصلحة بالمدينة وعلى حسابي الشخصي - كله علشان هالأداء- بالإضافة إلى اعمال النشاط والإرشاد...لين مليت ... لكن صدقيني يا دنيا اللي الله كاتبه بيصير رضت المديرة عنك أو لا ...
وكلي أمرك لله وحاولي تفهيها الموضوع بهدوء وقولي لها إن اللاب توب ما يتحمل - تراها أكيد ما هي دارية عن شيء- وقلولي لها إنه ماهو لي - عذري الدائم- لأحد أخواتك أو أخوانك ما تقدرين تظغطين الجهاز... يمكن حلي مو مناسب لكن يمكن يخليها تغض الطرف عن جهازك
وإنتي سوي اللي عليك وفي حدود أستطاعتك فقط...
ولا تنسي لو أجتمع الناس على أن ينفعوك بشيء لن ينفعوك إلا بشيء قد كتبه الله لك ولو أجتمعوا على أن يضروك بشيء لن يضروك إلا بشيء قد كتبه الله لك .. رفعت الأقلام وجفت الصحف...
والله يوفقك ويكتب لك الخير وين ما رحتِ
:o :o :o

دنيا الأمل
01-26-2007, 12:19 AM
.. مشكورة يا توته على كلامك .. درر والله ..
.. دائماً تريحي نفسي بكلامك الحلو ..
.. جزاك الله كل خير ..
.. وفعلاً هالأداء هو الي يخلي المديرة اذا كانت ذمتها على كيفهها تذل المعلمة خصوصاً اذا كانت عارفه انها حريصه على النقل ..
.. تصدقون ..
.. اذا صرت وزير .. ان شاء الله ..
.. راح اخلي الأداء الوظيفي الخاص بالمديرة بيد المعلمة ..

نوني80
06-02-2007, 01:10 PM
دنيا الأمل
أنا مصدومة كتيييييييييير من حالك
وضعك سيء جداً و ما يدخل العقل
إش صار معك الآن بهاي القصة؟؟؟؟
عندي فضول أعرف
قصصك تضحك و تبكي في نفسك الوقت الله يعينك

دنيا الأمل
06-02-2007, 11:20 PM
.. ما شفتي شيء نورة ..

.. تصدقي صرت اخجل انزل مشاكلي بالمنتدى من كثرها ..

.. عادي .. اخذت الجهاز لحد ما قلبت حاله .. ورجعته للمدرسه بحاله يرثى لها .. عدلته وكملت شغلي وانا ساكته ..

.. ما لي الا الحل .. كنت حريصه على النقل ولما ما حصل .. خربتها .. صراحه انصدمت لما تابعت الموضوع وعرفت السبب .. الاخت منزله الإداء الوظيفي لحد السبعين .. انقهرت وانجنيت وناقشت .. وبكل بساطه تقول هاذا الي تستحقينه ..

.. والمشكله ان الإدارة طالبتها بالأداء نهاية السنة وبحكم شغلي بالإدارة عرفت انها حاطه لي 99 .. ضحكت وقتها .. يمكن حست بالندم ..

.. الله يعين ..

نوني80
06-02-2007, 11:29 PM
الله يعينك
الحلو فيكي إنك مرحة
عادي إعرضيلنا مشاكلك
حاسة إنها مصايب بضحك
فهاتي اللي عندك

دنيا الأمل
06-02-2007, 11:56 PM
.. يا سلام ..

.. انزل مشاكلي علشان تضحكي ..

.. لالالالالالالالالالالالالالالالالالالالا ..

.. تصدقي افكر أعمل مسلسل .. شرط يجيب ملايين ..

نوني80
06-03-2007, 12:00 AM
عنجد لو تعملي مسلسل يكون كوميدي
حتصيري مليونيرة
طبعاً لا تنسي المغسلة و والدة الطالبة اللي كانت بدها تغتالك

دنيا الأمل
06-03-2007, 12:15 AM
.. والخافي أعظم ..

.. ربي يسهل أن شاء الله ..

عالم النت
06-06-2007, 06:14 PM
الله يعينك ويسر امرك يارب
المدرسة هي مديرتها وانتي وش شايله همه صح تعبك ومجهودك لكن حسبنا الله ونعم الوكيل
يارررب يكرمك ربي بالنقل وتفتكين منها ساعتها هي الخسرانه شغل مدرستها وتعاميمها وملفاتها وسعي صدرك الدنيا ماتستاهل خليك على اسمك دنيا الأمل :o
اسأل الله العظيم رب العرش العظيم ان يفرج همك ويرزقك بالنقل ياااارب

دنيا الأمل
06-06-2007, 11:09 PM
.. مشكوووووووووووره اسير الزمان على الدعوات ..

.. جزاك الله الف خير ..وحفظك يا غالية ..