.. كيك نسكافة .. طعم ولا في الخيال

[دنيا الأمل]

.. لعشاق طعم النسكافة في الحلى ..
.. هاذي طريقة كيك نسكافة .. طعمها شيءء صراحة ..
.. طبعاً اخذتها من زمان من النت .. وجربتها .. طلعت شيء وسهلة التحضير ..
.. اكتبي معي يا حلوة ..

* مقادير الكيكة :

1كوب دقيق
3بيضات
1ملعقة صغيرة فانيليا
2ملعقة كبيرة نسكافة مذوبة بشوية موية
1 ملعقة كبيرة B.B
1\2 كوب زيت
3\4 كوب سكر
علبة قشطة

* مقادير الصوص :

علبة حليب نسلة
1مارس
6 حبات كيري
1ملعقة نسكافة مذوبة بشوية موية


* الطريقة :

أولا قومي بتحضير الكيكة
وذلك بخلط الزيت مع السكر ثم البيض والفانيليا ثم القشطة والنسكافة المذوبة ثم B.Bوالدقيق وتخلط جيدا ثم توضع في صينية مدهونة بزيت ومرشوش عليها دقيق وتدخل الفرن ولا تستعجلين عليها خليها تستوي على مهل ....( حاولي توطي النار عليها وخليها فترة ولا تفتحي باب الفرن عليها إلا بعد فتره .. علشان تضبط معك )

وفي الوقت التي تخبز فيها الكيكة قومي بتحضير الصوص وذلك بخلط جميع المقادير في الخلاط وبعد ما تستوي الكيكة وتبرد شوي نطلعها من الصينية و ندهنها بالصوص أنتي بتشوفين الصوص بتقولين كثير لكن حطيها كلها وخليها تنزل من الأطراف يعني تغطي الكيكة وبعدين صبي عيها صلصة الشكولاته (هيرشي) بشكل حلزوني وخذي اي شئ حاد والعبي بالخطوط وقدميها ..
.. وبالهناء والعافية ..

[تماراTMARA]

يا سلاااااااااااااااااام عليك يا دنيا
أول ما قرأت أسم الحلى ما قدرت أقاوم
إلا النسكافة ولا بالشتا بعد
اليوم إن شاء الله أسويها
وأكيد بتطلع حلوة ما دامها من دنيا
:o :o :o

[stn555]

انا مدمن نسكافه وكل انواع القهاوي واشكرك على هالوصفة اختي دنيا الامل


تحياتي لك

[Spears]

تسلمين دنيا على الكيكة الحلوه

بطبعها وأصلحها وأرسل لك منها :)

أخي سلطان دور لك أحد يصلحها لك :)

[stn555]

البركة في الوالده الله يعطيها العافية

تحياتي لكم جيمعا

[دنيا الأمل]

.. انتي الحلوة توته ..
.. وطبعاً الي بحليها اكثر .. انها من صنع يديك ..
.. شاكرة لكِ المرور يا حلوة ..

[دنيا الأمل]

.. استاذ سلطان شكرً على المرور ..
.. لا تثقل على الوالدة .. جربها انت سهلة والله ..

[دنيا الأمل]

..spears يسلمو يا عسل على المرور ..
.. انتظر ابداعك لا تنسين .. كثري الكمية لو سمحتي ( طرار ويتشرط ):D