.. سؤال للبنات الحلوين .. يمكن يصير غبي شوي .. لكن انتظر اجابات

[دنيا الأمل]

.. اكبر تحية لأحلى البنات ..:p
.. كيف احوالكم .. مع البرد .. والاستعدادات للإمتحانات ..
.. اتمنى تكونون بخير ..:D
( كل هذه مقدمة علشان تجاوبون على السؤال ;) )
سؤالي يا حلوات هو .....
.. لحظة شوي .. يا ويل وحده قول عنه سؤال غبي :mad:
.. قبل لازم تعرفون السالفة ( ادري طولت السالفة .. عادي تحملو :D )
.. شوفوا يا حلوات .. قبل كم يوم تلاقيت مع وحده من قرايبي لي فتره عنها ( اصبرو وشوفو السالفة )
.. المهم اني قريبتي هاذي من النوع الي ما في صبغه جديدة تنزل أو طريق غريبة للصبغ تذاع الا وتجربها على شعرها ..
عاد تخيلو بعد كم صبغة وكم عمليه سحب كيف يكون الشعر :confused: :confused:
أنواع التقصف والجفاف ( هذا كان حالها اخر مره شفتها )
.. لكن .. الغريب في الموضوع اني يوم شفتها قريب كانت صابغه شعرها لون حلو وشعرها كان خيييييييال وفيه لمعه غريبه وحلوه ..
أنا بصراحة ..
استغربت :eek:
كيف بفتره تقريباً شهرين يتغير شعرها بالشكل هذا ..
.. اول الأمر خجلت أسألها ..
.. لكن بعدين .. ما قدرت ..
.. تجرات وسألتها ..
.. تخيلو أيش قالت لي
؟
؟
؟
؟
؟
انها حطت بشعرها شيء ( انا عن نفسي أول مره اسمعه )
والي هو
؟
؟
؟
؟
؟
الزززززززززززبده ( تخيلتو )

كانت تزيت شعرها فيها تقريباً مرتين في الأسبوع

.. نجي لزبدة الموضوع ( وحده متأثره :D )

.. هل الكلام هذا صحيح ؟؟؟؟؟؟
فيه أحد جربها ؟؟؟

.. الرجاء من لديها خلفيه .. لا تبخل علي بالرد ..
والي ما عندها خلفيه تصف معي وتنتظر الإجابه على السؤال ..
.. وسلامتكم ..:

[فجر2007]

على كثر ماجربت تجارب كثير بشعري وعلى كثر ماقريت من وصفات مايوم لاحظت احد استخدم الزبدة
لأجل كذا أنا بصف معك وانتظر الجواب صراحة

[تماراTMARA]

بصراحة ما قد سمعت عن إستخدام الزبدة إلا من وحدة من الأمهات الله يعطيها طولة العمر
تقول زمان يوم كنا نسوي البن ناخذ من الزبدة وندهن بها شعورنا ... طبعا مناسبة هذا الكلام إنها سمعتنا نتكلم عن الشعر والأنواع المختلفة من الشامبو والكريمات....
:o :o :o

[Spears]

ولا أنا ماسمعت عنها !!!
الزبدة مثلها مثل الزيوت والزبادي كل هذي تستعمل على الشعر يعني نفس الفائدة المرجوة
هذه فرضية فقط

على العموم بصف معك على جنب إلى أن نجد الجواب << شكلها بتجربها ما عندها صبر

[برينتر]

يا الله زبدة
لا لا لا مستحيل

[Spears]

سألت أمي اليوم قالت:" الحريم من زمان يحطون بشعرهم زبدة قبل الحناء علشان ما يجف الشعر ولازم يوصول لفروه الرأس، وبعضهن بعد الاستحام إنا ما كان عندها كريم تدهن بزبدة!!!!!!!!!!!!"

عاد الحريم من زمان يستعملون أشياء غريبه

[دنيا الأمل]

.. اخواتي الفاضلات .. ( صالحة .. توته .. برينتر .. spears ) شكراً على المشاركة والرد ..:)
.. كمان انا بحثت بالنت وشفت كذا موضوع بهالخصوص ..
.. كثير مدحها مره ..
.. المشكله في الموضوع .. ان الزبدة المقصودة هي الزبدة الي في الأسواق ( يعني لورباك وزميلاتها )
وهاذي غير كثير عن الزبدة الي كان يستخدمونها الامهات قبل ..
بعد ... احس انه تخلي الشعر دهني بزيادة .. يعني الي شعرها دهني ما تستخدمها ... صح ؟؟؟
( والا راح تصف مع الهنود وربعهم ) :D
.. وش رايكم ..
.. نجرب ؟؟؟؟؟؟؟
.. والا الرأي الزين ان وحده تجربها وتخلي التجربه فيها واذا فادت يجربها الباقي ..
.. من ترشح نفسها ..:rolleyes:

[الفجر البعيد]

انا...

لاتصدقون مارشح نفسي لكن بصف اشوف النتيجه...

[دنيا الأمل]

.. ما فيه تراجع فجر ..
.. يالله يا بنات حضرو الزبدة وانا راح اصيد فجر ونجرب ..:D
.. ايش رايكم ؟

[برينتر]

يالله على القوة شدوا الهمة
ترى كلها زبدة وش عاد

[دنيا الأمل]

.. ننتظر نتائجها على شعرك برينتر ..
.. وافينا بادق التفاصيل لا تنسين ..

[العروج]

وش رايكم بالسمن العربي تراه مجرب وشعر الي اقول عنها واصل لركب

[دنيا الأمل]

.. شكراً اختي على اقتراحك الحلو ..
.. لكن مين يتحمل ريحته بالشعر ؟؟؟؟؟

[Spears]

هلا بنات ..
يالله تنازلت وتبرعت أجرب

الأسبوع الماضي وضعت زبدة من نوع اللي يباع بالكيلو

طبعا النتائج ما تظهر من أول استخدام يعني لازم كم مرة

النتيجة قصيرة المدى: اللي لا حظتها لمعة الشعر
أما نتائج طويلة المدى أصبروا علي شوي

صراحة الريحة شوي خايسة بس تحملته علشانكم وأنا متعودة إني ما أترك الشيء على شعري إلا نصف ساعة فقط

لكن لما يجف الشعر زاولت الريحة

انتظروا النتائج بعد كم شهر :)

[دنيا الأمل]

.. يسلمو Spears على التضحية ..
.. كان ودي أجرب معك خلال هالفترة خصوصاً اني جالسة لا شغله ولا شيء ..
.. لكن المشكلة خايفة شعري يدهن زيادة ..
.. وافينا بالتفاصيل أسبوعياً غاليتي ..

[همسات]

اقول اختي دنيا الأمل باالنسبه للزبدة اول مره ا سمع بهذه الطريقة

لاكن وحده من طرف صديقتي جربت مايونيز وبيض وزبادي وخلطتهم(سلطة مب شعر:D ) قبل لا تتروش وغسلته وتقول ان شعرهاصار ناعم وكثيف ولامع :p لاكن انا بصف معك:D

[دنيا الأمل]

.. مشكورة همسات على السلطة الرائعة :D ..
.. الله يرزقنا من يتبرع :D ..