أنا ضايعة مرررره ...ومتأخره وش الحل ؟!!

[بسمة العمر]

ياخواني ضايق صدري ...

أول أسبوع ماداومت لانهم مانادوني لاني معلمة بديله طيب

ثاني أسبوع درست على طول

ثالث أسبوع الاحد حصتي اللي هو اليوم الوطني ضاعت
ويوم الأثنين احتفلوا المدرسة به وضاعت حصتين

وأخر أسبوع من رمضان أنا غبت لظروف

وأحاول أخذ أغلب حصص الاحتياط عشان أعوض

وهالاسبوع ببدأ بالباب الثاني أحس أني متأخره جدااااااااااااااااااااااا

وش أسوي ...

عادي مشكلتي لمن اتوتر تتعب نفسيتي ولااعرف أسوي شئ ......

أنا راح أخذ حصص الأحتياط عشان الحق بس أحس بظلم البنات ...وش رأيكم

بس ان شاء الله ماراح أطلعهم إلا يعرفون يستخدمون البرنامج زين ...لو على راحتي ..

يمديني وإلا لا ...

وصحتي هالترم ماادري وش فيني ...مي مساعدتني ..
تجيني كتمه فجأه ولازم أروح أخذ بخار واكسجين مع اني ماعندي لا ربو ولاحساسية بس هالسنه ماادري وش جاني ..



وش الحل؟ اقترحوا علي

[دنيا الأمل]

سلالالالالالالالالالالالالالامات يا غاليه ما تشوفي شر

عاااااااااااااااااادي جدا

انا بمنهج المتوسط اشد منك

بالدرس الرابع

وهو مشابهه لمنهج اول ثانوي وبعد حصه واحده فقط

لا تتعبي عمرك حاولي قد ما تقدري تخففي المنهج

والله يعينك ويخفف عليك

[فجر2007]

سلامات يابسومة بس التأخير مو ذنبك

أنا قلت للطالبات إني راح أضغطكم بالمنهج وهم بيساعدوني

اشرحي أكبر قدر ممكن تقدرينه , وخلهم بعدين يأشرون الأمور المهمة بس انتبهي التأشير فقط بالمواضيع الدسمة

وانشالله بتلحقين أهم شئ صحتك انتبهيلها000

[دعاء السحر]

عزيزتي لاتهتمين إن شاء الله المنهج راح يمشي،،
خصوصا دروس البور بوينت ممكن الدمج فيها والبنات ماراح يحسون..
طيب تخيلو أنا طلعت مدرسه انتداب اليوم لقيتهم ما أخذوا شيئ أبد .. ولادرس !!!
ولا البنات فيهم قلة أدب مش طبيعية..
لكن الله يعين إن شاء الله تمشي الأمور لا يضيق صدرك ولاحاجه..
ألزم ما عليك صحتك،،

[ashraf9]

اما انا نتدبه لمدرسه اخرى ونفس الشئ .. ومثل ماقالت لك دنيا المنهج حيمشي بس اتوكلي على الله وفهمي الطالبات انك متأخرة والله يوفقك على اداء الامانه

[دموووع,,,,]

سلاااااامات يالغالية ,,,


ولا تشيلين هم والله الدنيا ما تستاااهل ,,,


وبعدين إذا البنات يعرفوووون للحاسب راح تشرحينه من دووون أي صعوبات ,,,



والله أنا مثلك وأشد يمكن ,,,


تخيلي مداومة من بداية الدراسة ولا غبت (( منتظمة ما شاء الله علي)))


لكـــــــــــــــــــن :




المعمل كان بدوون مكيف ولا شرحت العملي تخيلي كل الأاسابيع اللي راحت كنت اشرح لهم بحصة والحصة الثانية أصحح الدفاتر أو أعطيها احد ..
لأن الجو كان مررررة حااار وكتمة ولا اقدر ادخل 30 طالبة بالمعمل وهو بدووون مكيف وأنواع الكتمة أعرف نفسي ماراح أتحمل ولا البنات يتحملووون ..

ولا أقدر اشرح أكثر من درس بالحصتين لن البنات ما راح يستوعبون..

يعني كنت أداوم وأحااااول لكن الجو ما يساااعد ,,


والاسبوع هذا بإذن الله راح أبدأ بالعملي لأن الشتاء تقريبا دخل ,,,


واليوم الموجهة جتني وقالت لي متأخرة بالمرة ولا راح يمديك لن منهج ثاني دسم وكله عملي ...

نسيت اقول لكم البنااااات ما درسوا عملي العام الماضي وثلاث ارباع الفصل ما يعرف للحاسب ولا عندهم اجهزة بالبيت..

لكن بإذن الله راح تتدبر سواء حصص إنتظار أو نشاط...

[ata]

اختي بسمة عمر ...

وسعي صدرك ... وتوكلي على الله ...

((( لا يكلف الله نفسا إلا وسعها ))) ...

ثقي تماما ان الوضع اللي انتي فيه ,, بإرادة الله .. ونحن مسيرون بأمره ..

فلا تحرقين نفسك ,, وتتنرفزين ,, وتتوترين

خذي الأمور بروية وهدوء ,, وحاولي بقدر المستطاع

انك توضحين الامر للطالبات ... (( أقصد التأخر )) .. حتى يتعاونوا معك ..

واحذري من أن يرى أحد ضعفك أو تذمرك ,, وتوترك سواء من الطالبات أو غيره ..

وما تشوفين شر ..

[بسمة العمر]

هذا المشكلة البنات ...

الحالة المادية جدا سيئة ومافيه اجهزة بالبيت ...ويحسون الكمبيوتر شئ كمالي مو عارفين قيمته ..

أسألهم أقول طيب اخوانكم الاولاد ماعندهم ولا أبوانكم يقولون لا ...

بس الله يعين


شكرااااااااااااااا كثير انكم طمنتوني اليوم اخذت حصة احتياط وعطيتهم المقدمة النظري بوربوينت وبكره ببدأ عملي أهم شئ عندي يعرفون يتعاملون معه ..... والله يسر وعلى هالحال راح أشوف حصص الإحتياط وأخذهم أحسهم بيكرهوني بس قلت لهم كله لمصلحتكم ..

تحملوني بس أشوى صح بعضهم قليلات أدب بس أنا أحاول أكسبهم بصفي ...

[بسمة العمر]

سؤال دنيا الِأمل

كيف تدرسين متوسط بحكومي يعني نزلوا الحاسب للمتوسط حلوا ...

ودي أصير أدرس متوسط

يعني يطلبون معلمات ويوظفوني مدرسة أقرب من أخر الدنيا

[على العموم]

انا مثلك اخت يسمة توني الاسبوع هذا ابد أبالبوربوينت
وبصراحة متوترة لأني احس اني متأخرة مره
الف سلامة لك وما تشوفي شر

[sama_4747]

سلامااااااااااااااااااات بسومة ما تشوفين شر
و عموما لا توترين نفسك لانك ما رح تستفيدين شي من التوتر ...
الله يعينك على حصص الانتظار ..
أنا الأسبوع الماضي بدأت بالبوربوينت و كمان أحس اني متأخرة
بس ان شاء الله تلحقيهم

[شمعة الجلاس]

السلام عليكم ورحمة اللة وبركاتة

أنا بعد توظفت الأسبوع الثاني من رمضان و الأسبوع هذا الحصة الثانية أبدأ بالبوربوينت بس عادي الأن الباب الأول أصعب على الطالبات لأن الطالبات يعرفون عن البوربوينت يعني نقدر نمشي فيه هو والأكسل

[معلمة حا سب]

هلا اختي لا تحاتين وش اقول انا اجل ؟!

توني في الدرس الخامس الباب الاول




تقديري

[روح الياسمين]

سلامـــــــــــــــــــــات ماتشوفين شر

شوفي انا لحد الآن ثاني ماعطيتهم شي لان المعمل جديد ومابعد كمل
راح اعطيهم هلاسبوع باذن الله اول الدروس بالعملي

واول بديت فيهم هالاسبوع

لكن لاتهتمي لان البوربوينت ممكن تدمجي الدروس مع بعض وراح تلحقي باذن الله

اهم شي لاتتعبي على حساب صحتك

[njwm]

الى الان انا بالباب الاول

[ملكة الانوار]

ضحكتيني يااخت بسمه ..... الله يسعدك
كأنك تحكين معاناتي
متأخره جدا ....بس عزائي الوحيد ان اكثر من ثلاثة ارباع الطالبات عندهم خلفية في البور بوينت
ونفس الشي متوتره ...... والله بس يعين كل معلمي الحاسب .
تحية كبيره لك ولكل من يعاني من ضغط العمل والتدريس الممل .

[شبيه الريح]

سلامتك ماتشوفين شر

بس لو تجربين طريقه التعليم التعاوني عشان تخففين على نفسك الشرح

بس التعب في هالطريقه يكون في اعداد ورقه التعليم التعاوني اللي تعتمد بشكل كبير على البنات يعني انتي وظيفتك اشرافيه فقط


جربيها بتخفف عليك الشرح والكلام والصوت العالي

[جمانه]

والله انا نفس المشكله بس حاولي تدمجي الدروس العمليه ووزعي عليهم تدريبات تشمل جميع النقاط في الدرس ولاتضغطي على نفسك النقاط الصعبه اشري عليها وخليها للاطلاع