)( من مدرسة أحياء إلى مدرسة حاسب )(

[ينابيع الغلا]

بسم الله الرحمن الرحيم
السلام عليكم ورحمة الله وبركاته ..
كيف الحال للجميع .. هذي أول مشاركه لي هنا ..
أنا مدرسه جديده في مدرسه صار لها ( أربع سنوات مفتوحه وهذي الخامسه )
وما في المعمل ولا شي جدران بيضاء .. المعمل كبير وكثير حلو .. وجوه جميل ومريح كثير ..
بس أبي أجمله .. بحيث تكون الوسائل والزينه كلها تخص الحاسب ..
فودي بفكره حلوه وناعمه .. وألوان جذابه .. تناسب للمعمل ..
طلبت من إدارة المدرسه تساعدني بمبلغ ولو بسيط .. قالوا لي ما عندنا ميزانيه تكفي ..
وأنا ما أقدر على تكلفته .. والطالبات ما قصروا .. مستعدين بس بعد بحدود ما يكلفهم كثير ..
وعندي ( تسع فصول ) كلهم فوق راسي .. طبعا للمرحلة الثانويه .. ( 3 أول ـ و3 ثاني ـ و3 ثالث )
والفصل الواحد ما يقل عن ( 27 طالبه .. إلى 32 طالبه ) ..
الطالبات كثيراااااااااات .. وحاولت بقدر استطاعتي ترتيب المعمل طبعا على شكل حرف ( U )
النظري مو مشكله أبدا .. المشكله في العملي .. ما عندي إلا ( 16 ) جهاز .. وجهازي ( 17 )
والبنات كثار .. فأتعب بتقسيمهم .. علما بأن ما عندي مذكرات خاصه بالعملي ( ورشة عمل )
وما أقدر أسوي مذكره لظروف وقتي .. وورشة العمل تتطلب إني أسوي ورقه وأصورها على عدد الطالبات وهذا يكلفني كثير ..
والمدرسه رافضه التصوير عندها .. فأنا محتاره كثير ..
إن كان على ( ثاني وثالث ثانوي ) فهو نشاط .. وأقدر أعطيهم بدون ( ورشة عمل ) ..
بس ( أول ثانوي ) أساسي ومطالبه فيه ..
فقولوا لي من وين أجيب ورشة عمل لأول ثانوي .. وأنا لسا مبتدئه بالتدريس ..
وأبي فكرة لتزيين المعمل .. ولو بشرح مبسط ..
كان المعمل فوضى يوم أجي .. بس خليته فل ولو بدون لوحات ..
طولت عليكم بس والله احترت كثير .. ومليت من التفكير .. بالعربي ====>>> قفلت عن التفكير
ايه وطلب أخير ===>>> شكلها بتنطرد من كثر الطلبات
توزيع الدرجات بالنسبه للامتحانات .. عندي تقسيمه من الإداره وهي /
1 ] يخصص لدرجات أعمال السنة لكل فصل دراسي عشرون ( 20 ) درجه كما يلي ..
1 ـ ثمان ( 8 ) درجات للاختبارات العمليه القصيره .
2 ـ سبع ( 7 ) درجات للاختبارات التحريريه القصيره ..
3 ـ خمس ( 5 ) درجات للمشاركة والواجبات ..
2 ] يخصص لاختبار نهاية الفصل ثلاثون ( 30 ) درجة كما يلي ..
1 ـ خمس عشر ( 15 ) درجة للاختبار العملي .
2 ـ خمس عشر ( 15 ) درجة للاختبار التحريري ..
كيف اختبر لهم عملي ..
علما بأن بنات ثاني وثالث ما عندهم أي استعداد إنهم يختبرون .. بعد محاولات مني جابوا دفاتر وكتبوا ..
ورافضين الامتحان مررررررره .. فما الحل ؟؟؟
بعض المدارس ما تعطي اختبارات ..
والموجهه جايه وتقول اختبري لهم .. فأنا احترت مع الحاسب ..
علما بأني خريجة بكالوريوس أحياء ولكن عيينت رسمي على الحاسب ..
أنا فعلا طولت عليكم ===>>> ما تستحي على وجهها
فأرجوا من لديه طرح فكره ورأي ومناقشه فأنا مستعده ..

دمتم بخير ..
أختكم / ينابيع الغلا

[stn555]

مرحبا بك اختي الفاضلة انا اقدر افيدك بالتالي
توزيع الدرجات صحيح اللي عندك

ممكن توزيع الطالبات على شكل مجموعات على الاجهزة وتشرحي هدف وتتركيهم يطبقون وهكذا حتى نهاية الدرس

اما تزيين المعمل فما يقدر يفيدك بها الا معلمة حاسب لان المعلمات يفهموا لبعض في التزيين بحسب ما يشوفوا مناسب ومطابق لبيئتهم الناعمة

اما اللوحات فتقدري توزيعي لوحات مختلفة على جدران المعمل مكتوب فيها عبارات كثيرة مثل

حافظ على نظافة المعمل - نرجو اعادة الكراسي لأماكنها - عدم الكتابة على الطاولات ......

صورة فأرة على لوحة صغيرة معلقة ونازلة من السقف وكذلك لوحة مفاتيح وصورة كمبيوتر وووو

والاعضاء ما راااح يقصرواا ابدا .......................

تحياتي لك

[دنيا الأمل]

.. اصبري علي اختي ان للحين في طور اعادة ترتيب المعمل وانتهي منه على الاسبوع الجاي بعد ما اخلص اصوره وانزل الصور وان شاء تعجبك ..
.. وبالنسبة لإختبار الطالبات عملي اتوقع لازم حصص اضافيه علشان تقدرين تقسمينهم مجموعات أو تحددين لكل مجموعه يوم تمتحن فيه ويكون عددهم على عدد الاجهزة أو اقسمي الاسئلة جزئين جزء نظري وجزي عملي وتبدأ مجموعة بحل النظري لحد ما تنتهي المجموعة الثانية الي تحل العملي ( امتحني أول بس وثاني وثالث امتحنيهم نظري وريحي عمرك )
.. اتمنى اني قدرت افيدك ..

[ينابيع الغلا]

أخوي * سلطان الغامدي *

الله يجزاك خير وما قصرت ..

ووجودك هنا في متصفحي أستاذي الفاضل شرف لي ..

أنا أحاول أجيب أفكار من معامل الأولاد .. لإن الإداره تساعدهم كثير ..

وما تقصر معهم بعكسنا يالبنات .. والله يعين ..

دمت بخير ..

[ينابيع الغلا]

دنيا الأمل

تسلمي أختي وما تقصرين ..

بس يا ريتك لو عارضه أفكار .. أو شي بسيط أقدر أنفذه مبدئيا ..

لإني مليت من المعمل سطحي ( فاضي ) .. وأنا تعودت عليه احسه بيتي ..

اذكري لي بعض الخامات .. وبعض اللوحات اللي ممكن انفذها أنا والطالبات ..

لإنهم ازعجوني ( وش انسوي أستاذه لك أعمال عشان النشاط ) .. وما أبيهم كلهم يرسمون الحاسب وبس ..

ما دامك طرحتي إنك بتصورين معملك .. بطمع فيك وبقول لك اذكري لي وش اسوي مبدئيا ..

ومشكوره أختي لوجودك .. الله يعطيك العافيه ..

دمتي بخير ..

[فهد الشراري]

السلام عليكم ورحمة الله وبركاته
أختي الفاضله:
انا مسئول عن صيانة معامل الحاسب الالي في احد إداراة التربية للبنات ومن خلال جولاتي على المعامل
رأيت ان افضل الوسائل لتزيين المعمل هي الوحات التي تختص في الحاسب
مثل لوحه تتكلم عن مكونات الحاسب او مجسم على شكل جهاز كمبيوتر وملحقاته ..... .الخ
أيظا الستائر على النوافذ التي تعطي رونقا خاص للمعمل وتحمي من دخول الاتربه من النوافذ
وشكرا



اخوك/ فهد الشراري

[stn555]

اختي ينابيع الغلا الشرف لي بان اشارك في موضوعك بما استطيع وما اعرفه و شوفي التالي

هذه بعض الافكار :

وضع استاند يوضع فيه بعض النشرات الحاسوبية واخبار الحاسب

مكتبة حاسب صغيرة وتوضع فيها اقراص تعليمية ويسمح للطالبات باستعارتها للتعلم

تغطية الجداران بالعبارات والصور التي تدل على الحاسب من مواضيع مختلفة في منهج الحاسب للثلاث مراحل : مثل انواع الحاسب - طريقة تنظيف الفارة -لوحة المفاتيح -المحافظة على الجهاز -انظمة التشغيل -المهن الحاسوبية- العاب الحاسب -برنامج الوورد الاكسل والاكسل البوربوينت

وغيرها بس حبيت اشارك وان شاء الله تساعدك

تحياتي لك

[ينابيع الغلا]

السلام عليكم ورحمة الله وبركاته
أختي الفاضله:
انا مسئول عن صيانة معامل الحاسب الالي في احد إداراة التربية للبنات ومن خلال جولاتي على المعامل
رأيت ان افضل الوسائل لتزيين المعمل هي الوحات التي تختص في الحاسب
مثل لوحه تتكلم عن مكونات الحاسب او مجسم على شكل جهاز كمبيوتر وملحقاته ..... .الخ
أيظا الستائر على النوافذ التي تعطي رونقا خاص للمعمل وتحمي من دخول الاتربه من النوافذ
وشكرا



اخوك/ فهد الشراري


مشكور أخوي على المعلومه ..

الله يعيطك العافيه أخوي وما قصرت ..

ويسلمو لتواجدك ..

دمت بخير ..

[ينابيع الغلا]

اختي ينابيع الغلا الشرف لي بان اشارك في موضوعك بما استطيع وما اعرفه و شوفي التالي

هذه بعض الافكار :

وضع استاند يوضع فيه بعض النشرات الحاسوبية واخبار الحاسب

مكتبة حاسب صغيرة وتوضع فيها اقراص تعليمية ويسمح للطالبات باستعارتها للتعلم

تغطية الجداران بالعبارات والصور التي تدل على الحاسب من مواضيع مختلفة في منهج الحاسب للثلاث مراحل : مثل انواع الحاسب - طريقة تنظيف الفارة -لوحة المفاتيح -المحافظة على الجهاز -انظمة التشغيل -المهن الحاسوبية- العاب الحاسب -برنامج الوورد الاكسل والاكسل البوربوينت

وغيرها بس حبيت اشارك وان شاء الله تساعدك

تحياتي لك


والله أفكار جميله وحلووه كثير ..

مشكور أخوي .. وتعبناك معانا ..

الله يجزاك خير ..

دمت بحفظ الله ..

[الفجر البعيد]

هذه بعض الصور والبطاقات والافكار لتزيين معمل الحاسب

ان شالله تستفيدي منهاااا ....

ولي عوده انشالله...

دعواتك لي ....

[الفجر البعيد]

تاااااااااااابع
7
7
7

[تماراTMARA]

يعطيكم العافية وهذه صور أيضا مفيدة للمعمل...
الأفضل إدراجها في الوورد ثم عمل فك تجميع وتلوينها على حسب الذوق
مثل ملف الوورد المرفق لكم...
:o :o :o

[دنيا الأمل]

.. سوري يا حلوة على التأخير ..
.. فكرة معملي اساسة اللوحات المطبوعة على الجلد ( مكلفة شوي .. ولها افكار كثيرة يعني ما تصير كلها عن الحاسب والمنهج .. اضفت عبارات عامة ودعوية كتغير) صممت اللوحات بالفوتوشوب وحملت بعد تصاميم جاهزة من النت وعدلت فيها بعدين تمت الطباعة عند محل متخصص ( الطباعة عليها حلوة مرة وواضحة وبعد مريحة يعني تعفيك من التفكير بفكرة لوحة والخط وغيره )
بالنهاية تثبت على فلين أو يضيف لك حدايد من تحت وفوق وثبت مباشرة على الجدار ( انا نفذت الفكرة الثانية علشان بنهاية كل سنة أو فصل دراسي ارفع اللوحات عن الجدار واحتفظ فيها واعلقها ببداية السنة علشان ما تظطرين بكل سنة تعيدين ترتيب المعمل واحفظ للوحات عن الغبار .. اذا ثبتيها على فلين راح يكون صعب رفعها عن الجدار بعدين )
.. اصبري علي لحد بكرى اعدل التصاميم ( امسح اسمي ) وانزله ان شاء الله ..
.. اما بالنسبة لطريقة ترتيبها على الجدار اصبري لحد ما اخلص واصوره ( بنهاية الأسبوع ان شاء الله ) ..