المساعد الشخصي الرقمي

مشاهدة النسخة كاملة : أعطيني 500 ريال واعلمك زوجك متزوج عليك وإلا لا


Spears
07-02-2007, 11:07 AM
تدور القصة حول مديرة مدرسة عزباء غابت عن المدرسة يومين ولما عادت لمدرستها قابلنها المدرسات سلامات وينك يامديرة؟
قالت لهن باركولي تزوجت .
قالن مبروك يامديرة ولكن منهو زوجك ؟.
قالت لهن بصراحة زوجي هو زوج إحداكن .
المدرسات تكفين علميننا أي وحدة منا ؟
قالت المديرة والله ما أعلمكن .المهم لزمن عليها فقالت لهن أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال .
وافقن المدرسات على الطريقة .ويوم جاء بكرا وكل وحدة مزهبه معها الدراهم
جت الأوله والثانية والثالثة والرابعة حتى العاشرة والمديرة تاخذ الدراهم
جت المدرسة ال 11 وبدت المديره تأفف المهم حطت الدراهم على الطاولة
وقالت لها تكفين خذيها يالمديرة
قالت المديرة اعذريني
قالت المدرسة كانها قليلة حطيت ألف بدال الخمسمية
قالت المديرة أووووووووووووه معليش أثرك أنتي جواهر والله اني آسفه غلطت يوم تنفست المدرسة وقالت الحمد لله يعني بتاخذين الفلوس المهم اخذتها المديرة
ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية .
المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه .
قالت المدرسة الغايبة : هاه من صار زوجها اللي متزوج المديرة ؟
قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين
المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدن يسمن على المدرسة ال 24 عشان ماتنصدم .دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة .يوم طلعت لقنها عايدية وماصار شي وفلوسها أخذتها المديرة
قالن يابنات فيه وحده منكن ماخذت المديرة دراهمها ؟
قالن لا والله كلنا اخذت دراهمنا .!!!!!!!!!!!!
ودخلن المدرسات على المديرة وقالن اخذتي الفلوس من كل المدرسات تلعبين علينا منهو زوجك ؟قالت المديرة المهم الدراهم ( 12000 ريال ( ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين . ولكني اطلبككن قبل شهر تدفعن على مية ريال نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد
قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا .

انتهت القصة واتمنى تكون اعجبتكم .

mooof
07-02-2007, 01:23 PM
هههههههه حلوة مشكووووووووووور على هالقصة ضحكت لين قلت بس
الله يلوم اللي يلومهن .

روح الياسمين
07-02-2007, 08:03 PM
ههههههههههههههههههههههههههههههه
حلوه تصدقي افكر اسويها بالمدرسة الجديدة

Spears
07-02-2007, 10:15 PM
هلا فيكم ومروركم

القصة فيها مغزى أولها إن الناس في هذه الأيام ما تفكر في المعروف أو الخير حتى ولو بمائة ريال
ثانياً: صراحة المديرة ذكية وأعجبتني وهي مريضة تفكر :)

نوني80
07-03-2007, 12:07 AM
ههههههههههههههههههه
حلوه سبيرس أشكرك
رااااااااااااااائعة
قصة مشوقة و جميلة، مبدعة حبيبتي
رورو فهميني لتكوني مديرة و إحنا مش عارفين؟!!!!!

Spears
07-03-2007, 08:06 AM
هلا نوره شرفني مرورك
تصلح هذي الطريقة حتى لو لم تكوني مديرة :) يعني معلمة مسؤلة عن شيء ...

همسات
07-03-2007, 09:38 AM
ههههههه حلوه القصه يا Spears

صدق ان المديره شاطره

خذت منم الفلوس غصب عليهم ههههههههه

Spears
07-04-2007, 08:08 AM
يا هلا همسات ....
الوحدة لازم تكون شاطرة علشان تتعامل مع المعلمات ( البخيلات ) :)

دنيا الأمل
07-08-2007, 07:14 PM
رووعه

ماشاء الله عليها

صدق التعامل مع معلامات من هالنوع يحتاج مثل هالتفكير

مشكوره Spears على القصه الرائعه

Spears
07-09-2007, 10:24 PM
هلا بك دنيا الأمل منوره

المعلمات اللي من هذا النوع كثرت هذه الأيام !!!!!!!

شكرا لمرورك